ЯҢАЛЫКЛАР

Озак еллар “Масловский” акционерлык җәмгыятендә механизатор булып эшләүче Габделхәй Йосыпов   быел да уракта беренчелекне алды.

1 октябрь–Өлкәннәр көнендә районда бәйрәм  чаралары узды.  Аларда  ветераннарны хөрмәтләделәр.  Намуслы хезмәтләре, батырлыкка тиң тормышлары өчен  рәхмәт белдерделәр.

Бик күпләр Яңа Арыш авылында  урып-җыю эшләрендә һәм язгы чәчүдә Юныс Мөхәммәтрәхимовның  елның-елында диярлек җиңүче булуын яхшы хәтерлиләрдер.

Балыклы Чүкәй авылында абзар тутырып терлек асраучылар байтак. Аларның бу гамәлләре  районда күпләргә өлге.

Узган атнаның шимбә көнендә район үзәгендә традицион “Милләтләр кроссы” үткәрелде.  Анда йөзләгән балыкбистәлеләр катнашты. Бу ярыш олы спорт бәйрәменә әйләнде һәм ул һәркемнең күңеленә хуш килде.

Әле күптән түгел генә Балык бистәсе агропромышленность комплексы хезмәтчәннәренең профсоюз оешмасы республикада иң  эреләрдән санала иде.  Әмма  колхоз, совхозлар таркалганнан соң  авыл хуҗалыгы хезмәтчәннәренең  район профсоюз оешмасы да  эшчәнлеген туктатты.  Хәзер исә  ул яңарыш чоры кичерә.

14 сентябрь көнне район  социаль яклау бүлегендә “Түгәрәк өстәл”  үткәрелде.  Ул район территориясендә  экстремизмга каршы тору һәм аны профилактикалау  мәсьәләләренә багышланган иде.

Социаль мошенниклык очракларының артуы, телефон ярдәмендә алдашуның яңадан–яңа ысуллары барлыкка килү сәбәпле, бу төр җинаятьләрне кисәтү максатыннан Татарстан Республикасы Эчке эшләр министрлыгы 10–30 сентябрьдә “Сак бул, мошенник!” профилактик  акциясен үткәрә.