ЯҢАЛЫКЛАР
“Кама плюс” кулланучылар җәмгыятендә җитештерелгән казылыкка республикабыз сәүдә нокталарыннан бик күп заказлар кабул ителә. Шушы көннәрдә генә алар аны чит илгә озату өчен “Эдельвейс” сәүдә компаниясенә төяп җибәргәннәр.
Күгәрчен авылы егете Данил Нәбиуллин 2006 елда районыбызда беренчеләрдән булып үзенең гаилә фермасын оештырган иде.
Рус Әшнәге товарлыклы-сөтчелек фермасының көтүне яңарту буенча технологы Сания Зыятдинованың коллективында гына түгел, районда да абруе зур.
Мель-Починок авылында яшәүче Фәнил Бикмуллинны бүген чын мәгънәсендә фермер дип атарга мөмкин.
Безнең районда республика күләмендәге мәртәбәле ярыш-бәйгеләрнең үткәрелүе гадәти бер күренешкә әверелеп бара инде. Узган шимбә, якшәмбе көннәрендә “Дельфин” спорт-сәламәтләндерү комплексында җәядән ату буенча Татарстан республикасы чемпионаты һәм беренчелеге булып узды. Казан шәһәреннән, Югары Ослан, Саба, Чирмешән, Болгар, Кама Тамагы һәм безнең районнан 65 укчы катнашты. Араларында спорт мастерлыгына кандидатлар да, дистәләгән разрядлы уенчылар да бар иде.
Рәсми мәгълүмат:
Күптән түгел генә Балык бистәсе район үзәк больницасы баш врачы вазыйфасы вакытлыча Мансур Рафагат улы Китаевка йөкләнде. Ул 1974 елда Түбән Кама шәһәрендә туган. Медицина фәннәре кандидаты. Казан дәүләт медицина университетын тәмамлаганнан соң, Казан хастаханәсендә врач, хирург-онколог, Дмитроград шәһәрендә, Питрәч районында баш врач урынбасары булып эшләгән.
Мансур Китаев баш врач вазыйфаларын башкара башлавының тәүге көненнән үк халыкны диспансеризацияләү мәсьәләсен беренче планга күтәрде. Нәтиҗәдә, соңгы вакытта әлеге юнәлештә эшләр нык активлаша төште. Бу уңайдан баш табиб белән түбәндәге әңгәмәбез дә шул хакта.