ФОТОРЕПОРТАЖЛАР

11 гыйнвар көнне Балалар иҗат үзәгендә "Ел укытучысы -2019" конкурсының финалы булып узды. Икенче этапка үткән 11 укытучы осталык дәресләре күрсәтеп көч сынашты. "Ел укытучысы" исеменә Балык Бистәсе гимназиясенең рус теле һәм әдәбияты укытучысы Кәбирова Рима Әдип кызы лаек булды. Икенче урынны Балык бистәсе икенче мәктәбенең информатика укытучысы Кашапов Юныс алды. Иң яхшы татар теле укытучысы булып гимназия укытучысы Сәлахова Рәмзия , "Педагогик дебют" номинациясендә җиңүче булып икенче мәктәпнең физкультура укытучысы Низамова Зилә танылды. Җиңүчеләрне котлыйбыз һәм аларга зона ярышларында уңышлар телибез!

2019 елның 13 январендә Балык Бистәсе муниципаль районы мәдәният йортларында һәм клубларында искечә Яңа елны каршылау бәйрәмнәре булып узды.

Авыл мәдәният йортларында һәм клубларда соңгы Яңа ел бәйрәм чаралары уза. Алда әле Бөтен Рәсәй халкын искечә Яңа елны каршылау бәйрәме көтә.

2019 елның бәйрәм көннәрендә Балык-Бистәсе районыны мәдәният йортларында һәм авыл клубларында Яңа ел бәйрәмнәре узды.

7 январьда Балык-Бистәсе районының Үзәк чыршысы янында “РАШТУА” бәйрәме булып узды. Бәйрәмдә керәшен фольклор коллективлары чыгыш ясады. Казаклар Чаллысы авылы мәдәният йорты «Нур», Кзыл Йолдыз урман хуҗалыгы клубы “Чулпы” халык фольклор ансамбльләре, Шеморбаш авылы мәдәният йорты “Ак каен” фольклор ансамбле, Алан Полян, Бирдебяк авыл клублары “Алан”, “Айбагыр” балалар фольклор коллективлары “Раштуада акча җыю”, “Нардуганда кич утыру” фольклор күренешләрен күрсәттеләр. Бәйрәм җырлыр, биюләр, уеннар белән үрелеп барды.

2019 елның 7 январендә Иванай авылы клубында Раштуа бәйрәме булып узды.

2018 елның 26 нчы декабреннән Балык - Бистәсе районы барлык авыл мәдәният йортларында яңа ел бәйрәмнәре : балмаскарад, лотерея уены, яшьләр дискотекасы уздырылды. Шулай ук балалар бакчасында һәм мәктәпләрдә дә балалар ёлкасы булып узды. Балалар кардан ясалган сыннар белән фотографияга төштеләр һәм төрле уеннар уйнадылар.