ФОТОРЕПОРТАЖЛАР

Бәтке мәдәният йорты хезмәткәрләре " Эйбәтлек янәшәдә» дигән хезмәт операциясе үткәрделәр. Өлкәннәргә бакчада ярдәм иттеләр.

Масловка авыл мәдәният йортында Өлкәннәр декадасында «көзге котлаулар бәйләме»дип исемләнгән бәйрәм концерты булып узды. Концерт программасы Масловка мәдәният йорты иҗат коллективлары: «Россияночка» рус халык җыры ансамбле, «Нур», «Тамчы» театр коллективы һәм башка башкаручылар чыгышларыннан гыйбарәт иде. Сәхнә ретро стилендә бизәлгән иде, берничә гадәти булмаган фотозона оештырылган иде. Иҗади сезон ачылды!

Күки мәдәният йорты. Авылыбыздагы өлкән яшьтәге кешеләрне җыеп, «Олыласаң олыны, олылар үзеңне»дип исемләнгән бәйрәм кичәсе үткәрелде.Өлкәннәр үзләре ясаган эшләр күргәзмәсе күрсәтелде. Бәйрәм котлаудан башланды, сәхнәдә концерт номерлары белән дәвам итте һәм бәйрәм өстәле артында тәмамланды.

Кече Әшнәк авыл клубы. Әби-бабайларны бәйрәм белән котладылар һәм бүләкләр тапшырдылар.

Югары Тегермәнлек мәдәният йорты хезмәткәрләре өлкән яшьтәге кешеләргә өлкәннәр декадасы кысаларында бүләкләр тапшырдылар.

Балыклы Чүкәй мәдәният йортында өлкәннәр өчен музыкаль кунакханәдә ял кичәсе үткәрелде . Кунаклар өчен бәйрәм өстәле әзерләнгән иде.

Кече Укмас Мәдәният йортында «Иң яхшы елларым минем»дип исемләнгән әдәби-музыкаль кичә үткәрелде. Кичәгә безнең авыл халкын чакырдылар, музыка турында сөйләштеләр, матур җырлар тыңладылар, кызыклы музыкаль уеннар уйнадылар, үзләре дә җырларга җавап бирделәр, яшьлек җырларын искә төшерделәр.

Күки мәдәният йортында өлкәннәр кулы белән ясалган «Оста коллы әбиләр» дип исемләнгән кул эшләнмәләре күргәзмәсе оештырылды. Аларның кайберләре безгә үз осталык серләрен ачты. Чигү буенча иң сәләте-Рәхилә Галимбәкова, бәйләү буенча иң сәләтлеләр-Нәкыя Галимова һәм Дилә Сәлахиева.

Традиция буенча 1 октябрь көнне өлкәннәр өчен Котлы Бөкәш урта мәктәбе чираттагы тапкыр ишекләрен ачты.