ФОТОРЕПОРТАЖЛАР

Күки мәдәният йортында мәктәп укучылары белән ялгыз әбиләрдә булдылар. Аларның сәламәтлеге белән кызыксындык, нинди дә булса эшләр башкарырга булыштык. Әбиләребез безнең килүебезгә бик шат булдылар һәм ярдәм күрсәткәннәре өчен бик рәхмәтле.

Өлкәннәр декадасы кысаларында Шомарбаш авылында тыл хезмәтчәннәренең өйләренә барып, бәйрәм белән котладылар, азык-төлек тутырылган пакетлар тапшырдылар.

Уракчы авыл мәдәният йорты матур традиция буенча өлкәннәр көненә багышланган “Без әле һаман да яшь» дип аталган бәйрәм чарасы узды. Чакырылган кунаклар буш кул белән килмәгән. Уңган хуҗабикәләр әзерләгән сый- хөрмәтләр белән өстәл тулы иде.Чәй өстәле артында кунаклар үзләренең яраткан җырларын башкардылар, үз тормышларының кызыклы мизгелләрен искә төшерделәр.Бәйрәм бик җылы шартларда узды, катнашучыларга аралашу шатлыгы,күтәренке кәеф бүләк итек.

Өлкәннәр декадасы кысаларында Шомарбаш авыл мәдәният йортында , Шомарбаш авылы пенсионерлары белән чәй табыны үткәрелде. Бәйрәмне Шомарбаш авыл җирлеге администрациясе белән берлектә оештырдылар. Бәйрәм бик кызыклы һәм күңелле узды, кунаклар бик канәгать калдылар.

Ямаш авыл мәдәният йорты китапханә, төп белем бирү мәктәбе һәм авыл җирлеге белән берлектә халыкара өлкәннәр көненә багышланган «Сезгә тиеш әле бик күп назлар» исемле әдәби кичә узды. Кичәгә шулай ук колхозда үз эшчәнлекләрен куйган авылдашлар да чакырылды, трактористлар, сыер савучылар, бозалар караучылар. Аларны барысын да Халыкара өлкәннәр һәм Авыл хуҗалыгы һәм эшкәртү сәнәгате хезмәтчәннәре көне белән котлап, укучылар зур, онытылмаслык концерт прогрограммасын тәкъдим иттеләр.

Юлбат авыл мәдәният йорты. Өлкәннәр декадасы кысаларында бәйрәм үткәрделәр , мәктәп укучылары үзләренең әби-бабайлары өчен концерт күрсәттеләр. Бәйрәм чәй өстәле артында узды,җырлар җырладылар,шигырьләр сөйләделәр, төрле уеннар уйнадылар.Нәкыя апа Гарипова догаларын укып, рәхмәт сүзләрен җиткерде. Бәйрәм барысына да бик ошады.

Өлкәннәр декадасы кысаларында Урахча авыл җирлеге мәдәният хезмәткәрләре белән берлектә авыл халкының өйләренә барып, тормыш тәҗрибәсе зур булган, тормыш сынаулары аша үткән, бәйрәм белән котлап, азык-төлек пакетлары тапшырдылар.

Кече Әшнәк авыл клубы. Өлкәннәр көнен авыл клубында үткәрделәр. Бәйрәмдә уйнадылар, җырлар җырладылар, мөнәҗәт укыдылар.

Кече Укмас авыл клубы. Өлкәннәр көненә багышланган «Кәҗә моннар» концерт программасы. Бәйрәмгә өлкән яшьтәге,урта яшьтәге кешеләр һәм балалар килгән иде.