ЯҢАЛЫКЛАР

ТР биоресурслар буенча дәүләт комитетының матбугат хезмәте

ТР биоресурслар буенча дәүләт комитетының матбугат хезмәте

Совет Рыбно-Слободского муниципального района Республики Татарстан

Совет Рыбно-Слободского муниципального района Республики Татарстан

Әдәби-мәдәни сәфәр

Татарстан Язучылар берлегенең Чаллы бүлеге республикабызның төрле районнарына әдәби – мәдәни сәфәрләрне еш оештыра.12 июль көнне безнең Балык Бистәсенә дә килделәр. Аларны район башкарма комитеты рәисенең социаль мәсьәләләр буенча урынбасары Айгөл Вафина, район мәдәният бүлеге җитәкчесе Лилия Кәримуллина, шагыйрә Рәсимә Гарифуллина, язучы Нурулла Гариф, район мәдәният йорты директоры Сергей Фалин гармунчылар һәм баллы чәк-чәк белән Зур Мәшләк авылы борылышында каршыладылар.

Чаллыдан килгән кырыклап татар зыялысы – язучылар, сәнгать әһелләре, рәссамнар, журналистлар, төбәк тарихын өйрәнүчеләр районыбыз тарихы, яшәеше, мәдәният дөньясы белән таныштылар.

Беренче тукталыш Яңа Сала авылында Нурулла Гарифның шәхси музеенда булды. Кунакларбашта тарихчының чәчәкләр белән ямьләнеп утырган ишек алдында әзерләнгән мул табын янында чәйләп алдылар.   Нуруллабызның бабасыннан калган ике катлы кирпеч йортка урнаштырган музеендагы мең еллык тарихи ядкарьне, борынгы китапларны, кулъязмаларны, табылдыкларны күреп сокланмый мөмкин түгел иде.

– Бу музейда милләт архивының бер өлеше саклана, – дип бәяләде тарих фәннәре кандидаты Фәүзия Бәйрәмова.

Аннан кунаклар белән бергәләп Балтач – Юлсубино мәктәбенә, Равил Фәйзуллин салон-музеена юл тоттык. Авыл башында шагыйрь стелласы янында авыл җирлеге башлыгы Харис Гатиятов белән бергә халык язучысы, Г. Тукай бүләге иясе Равил Фәйзуллин үзе каршы алды. “Күгәрчен чишмәсе”нең шифалы суын авыз итеп, аның тарихы белән танышканнан соң, шагыйрьнең туган нигезендә, 1000 елдан артык тарихлы мәчеттә булдык.

Мәктәп укучылары Равил Фәйзуллинның шигырьләрен укып каршы алдылар. Музей кунакларны үзенең югары зәвыгы, энциклопедик мәгълүматка байлыгы белән җәлеп итте. Биредә алган тәэсирләр белән уртаклашканда Татарстанның халык рәссамы Мадияр Хаҗиев үзе иҗат иткән ике картинаны, язучылар китапларын музейга бүләк иттеләр.

– Бердәм булып, халкыбызны кайгыртып, авыллырны үстереп, телебезне саклап яшик! Тарихыбызны киләчәк буыннарга тапшыру да безнең бурыч, – диде Равил Фәйзуллин.  Балык Бистәсенә кузгалгач, Нурулла Гариф кунакларны юл буе районыбыз белән таныштырып, аның тарихы турында сөйләп барды. Район үзәк китапханәсендә очрашуга килгән халык көтеп тора иде инде. Очрашуны китапханәләр челтәре җитәкчесе Рәхимә Рәшитова ачып җибәрде. Айгөл Вафина халыкка район хакимият башлыгының тәбрикләү сүзләрен җиткерде. Татарстан Язучылар берлегенең Чаллы бүлеге рәисе, Г.Тукай бүләге иясе, Бөтендөнья татар конгрессының Чаллы бүлеге җитәкчесе Факил Сафин кунакларның һәрберсе белән таныштырып чыкты. Алар арасында Әнвәр Шәрипов, Рәзинә Мөхиярова кебек тел галимнәре дә бар иде. Әсәрләре укучыларыбызгаяхшы таныш Фәүзия Бәйрәмова, Данис Хәйруллин, Айгөл Әхмәтгалиева, Әлфия Ситдыйкова, Лилия Гыйбадуллина, Лилия Фәттахова, Зифа Кадыйрова,драматург Булат Сәлахов та килгәннәр. “Кама таңнары” әдәби берләшмәсе әгъзалары, “Мәйдан” журналы, “Көмеш кыңгырау” газетасы редакциясе  журналистлары да чыгыш ясады. Нәфис сүз остасы Зөләйха Минһаҗева Кадыйр Сибгатуллин шигырьләрен укыды.  Җырчы Габидулла Хөрмәтуллинкөен Факил Сафин иҗат иткән җырны яңгыратты. Яр Чаллыдан килгән  күпләр безнең якташ шагыйрьләребез, Чаллы җирлегендә яшәп иҗат иткән  Кадыйр Сибгатуллин белән Рифкать Имаевны искә алдылар, аларның шигырьләрен укыдылар. Мадияр Хаҗиев  район китапханәсенә дә үзенең бер картинасын бүләк итеп калдырды.

Балык Бистәсендә туып үскән, бүгенге көндә дә актив иҗат итүче язучылар Равил Фәйзуллин, Рәсимә Гарифуллина, Фәүзия Солтан, Вәзыйх Фатыйхов, Нурулла Гариф та очрашуда катнаштылар, шигырьләр укыдылар. Һәр чыгыш ясаучы милләтебез, телебез язмышы турында үз фикерен әйтте.Телебезне саклап калу, халкыбызда милли рух тудыру, югары милли үзаң тәрбияләү һәркайсыбыз алдында торган җаваплы бурыч. Татар язучысы шушы сыйфатларны тәрбияләүдә алгы сафта булырга тиеш. Чаллы язучылар бүлегенең Балык Бистәсенә булган әдәби-мәдәни сәфәре дә шушы максатка юнәлтелгән. Һичшиксез, әлеге максатчан очрашу барышында туган уй-кичерешләре, Балык Бистәсендә алган тәэсирләре киләчәктә Чаллы язучылары каләменнән төшкән язмаларда чагылыш табар.

                                   Роза Гариф

ТР биоресурслар буенча дәүләт комитеты

Татарстан Республикасы Балык Бистәсе муниципаль районы

Мәдәният йортыбызда "Үткәннәргә сәяхәт" дип исемләнгән  туган якны өйрәнү сәгате үтте. Балалар авылыбызның тарихы турында кызыклы яңалыклар белделәр, борынгы эш кораллары белән таныштылар

Отдел ЗАГС Исполнительного комитета Рыбно-Слободского муниципального района Республики Татарстан

Отдел ЗАГС Исполнительного комитета Рыбно-Слободского муниципального района Республики Татарстан