Балык Бистәсе муниципаль районы

Балыкбистәлеләр, өлкән кешене тәрбиягә аласыгыз килмиме?

2016 елның 29 октябре, шимбә

2017 елдан Татарстанда «Өлкән кешене гаиләгә тәрбиягә алу” проектын тормышка ашыру планлаштырыла.

Үзләрен тәрбияләү мөмкинлеген тулысынча яки өлешчә югалткан 55 яшьлек хатын-кызларны, 60 яшьлек ир-атларны гаиләләренә алучыларга ай саен акчалата пособие түләнәчәк. Мәсәлән, III группа инвалид, яки инвалидлыгы булмаган бабайны, әбине тәрбияләгән өчен ай саен 4 мең сум, II группа иналидлар өчен-6 мең сум, I группа инвалидлар өчен 8 мең сум акча түләү каралган.

Өлкәннәрне тәрбиягә алырга теләүче гаиләләрне урыннардагы социаль службалар сайлап алачаклар һәм алга таба да өлкәннәрнең яшәү шартларын контрольдә тотачаклар. Опекуннар хезмәткә яраклы яшьтә, суд каршына басмаган, каты авырулы булмаска тиеш. Шулай ук торак шартларының да яхшы, картлар белән туганлык мөнәсәбәтләре булмау сорала.

Тулырак мәгълүмат алу өчен социаль яклау бүлегенә 2-32-04, 2-32-75 мөрәҗәгать итегез.

БАРЛЫК ЯҢАЛЫКЛАРНЫ УКУ