Марат Вәлиев - нинди генә мәйданда да батыр

Ул терлек азыгы хәзерләүдә катнашкан “Магдон” комбайнын куеп, икенче бер чит ил техникасы “Джон-Дир” тракторына төрән тагып кырга чыгып китәргә  әзерләнеп йөри иде. “Көннәр яңгырга киткәнче сукалап каласы иде. Гадәттә, сменага 25- 30 гектар җир сукалыйм.Тик моның өчен җирнең тигез һәм мәйданы зур булуы кирәк. Чөнки мондый олы трактор белән борылып йөрүе күп вакытны ала”,- ди ул. Биредә мондый күләмле  участокларны күбрәк Маратка йөклиләр икән. Ә бәләкәй җир кишәрлекләрен ДТ, МТЗ тракторларында эшкәртәләр.

 

Хуҗалык  алдынгысы Марат Вәлиев ел әйләнәсе диярлек җаваплы участокларда хезмәт куя. Быелгы терлек азыгы хәзерләү барышында ул 2 мең гектардан артык мәйданда күпьеллык үләнне теземнәргә салган. Инде менә бүген туңга сөрүдә матур хезмәт үрнәкләре күрсәтә.