Балык Бистәсендә яңа уңыш ашлыгын суктыруга керештеләр

Кульга авылы янәшәсендәге 40 гектарлы көзге арышны суктыруда Илдус Сибгатуллин белән Булат Ханов теземнәргә салынган арышны суктыралар. Хуҗалыкта бу көнне көзге бодайны да турыдан- туры суктыруны Габделхәй Шәрифуллин  экипажы җиңел кулдан башлап җибәрде. Безгә кичен көндәлек эш йомгаклары буенча бодайның һәр гектарыннан 30 центнер уңыш чыгуы хакында хәбәр ирештерделәр.