«Шәмсетдинов» хуҗалыгында терлекчелек тармагы табышка эшли

Соңгы елларда «Шәмсетдинов» хуҗалыгында терлекчелек тармагы аеруча тотрыклы үсеш кичерә.

Очраклы гына түгел, биредә ныклы азык базасы булдыру, көтү яңарту, заманча технологияләргә таянып эшләү - һәрдаим игътибар үзәгендә. Әнә, быел гына да ике мең тоннадан артык сенаж запаслары калды, дүрт айда 200 дән артык баш бозау алдылар,  80 баш тана группасы булдырдылар, 90 баш сөт бозауларына исәпләнгән ябык ятак төзеп куйдылар. Шундый кайгыртучанлык булганда гына терлекчелек тармагы уңышлы, табышлы  эшләргә мөмкин шул ул.