“Росгосстрах”ның район филиалы хезмәткәрләре Сәүдахан хәзрәт Гайнетдиновны 80 яшьлек юбилее белән тәбрикләделәр

Сәүдахан хәзрәт Балык Бистәсенә күченеп килеп йорт-җир  торгызып чыккач  та элеккеге иминият агенты Антонина Романова белән бар мөлкәтен иминиятләштерәләр. Шул көннән башлап бу матур гадәтен ул инде бүгенге көнгәчә дәвам итә. Бүген аның янына иминиятләштерү мәшәкатьләре белән инде 20 ел Антонина Иванованың кызы Галина Бахарева килеп йөри.Ул иң өлкән клиентларын олы юбилее көннәрендә дә үз игътибарыннан читтә калдырмаска тырыша. Бу юлы да аның тәкъдимен филиал җитәкчесе Хатыйп Газизов бик хуплап кабул итте. Алар бергәләшеп Сәүдахан хәзрәтне тәбрикләргә аларның өйләренә килделәр. Районыбызның хөрмәтле имам-хатыйбы Сәүдахан хәзрәтнең быел тормыш иптәше Хөснелбәнат апа белән гаилә коруларына да 57 ел тула икән. Бүгенге яшь буынга якты үрнәк булып  алар тагын шулай озак еллар бергә гомер итсеннәр иде әле .

 

Автор фотосы