Бер сәгатьтә ике бәйрәм - фотолар
Бүген икенче Балык Бистәсе мәктәбе җирлегендә бер-берартлы ике бәйрәм узды.
Бәйрәм тантанасында район башлыгы Илһам Валеев һәм Татарстан Республикасы Үзәк сайлау комиссиясе рәисе Экзам Гөбәйдуллин катнаштылар.
Бу сәгатьләрдә әлеге мәктәп каршында универсаль спорт мәйданчыгының район буенча 8 нчесе ачылды. Аны, нигездә, “Балык Бистәсе “Меливодстрой” җәмгыяте төзүчеләре сафка бастырган.
Ә бәйрәмнең икенче өлеше “Мәктәпкә барырга ярдәм ит-2015” республика хәйрия акциясе кысаларында узды. Анда 33 балага уку - әсбәплары тутырылган букчалар һәм акчалата конвертлар тапшырылды.
Бу акция башка мәктәпләрдә дә дәвам итәчәк.
Язмабызның дәвамы белән газетабызның киләсе санында таныша алырсыз.
Вазыйх Фатыйхов.
Автор фотосы.
