Хуҗалыклар машина-трактор паркында кыр эшләренә соңгы әзерлек чаралары күрәләр

Бу җәһәттән, районыбызда иң эре хуҗалыкларда исәпләнгән  “Азык-төлек корпорациясе” җәмгыятендә хәстәрлек яхшы. Туфрак эшкәртү, чәчү агрегатларының барысын да аерым мәйданчыкта тигез сафларга тезеп куйганнар. Ә төзекләндерү эшен биредә гадәттәгечә күп еллар дәвамында эшләп зур чыныгу алган, тәҗрибәле механизаторларга йөкләгән булганнар. Әнә, Илсур Хәмидуллин белән  хезмәттәше Фәйзехан Гарифуллинга  авыл хуҗалыгы машиналарын сафка бастыруда м быел да күңел биреп тырышканнар. Хуҗалыкның кыр технологы Фәрит Шигапов та бу осталарны  бик мактап телгә алды. 

Әзер техника хуҗалык белгечләре тарафыннан тикшерелеп, уңай бәя дә алган инде.

 

Идрис Аметов.