Мәгарифтә семинар

6 мартта Олы Елга мәктәбе базасында башлангыч сыйныф, рәсем, сәнгать, хезмәт укытучыларының республикакүләмендәге фәнни-гамәли семинары булып узды. Семинар эшендә Казан югары уку йортларыннан килгән кунаклар: педагогик фәннәре докторы, профессор Резеда Фәхретдинова, педагогик фәннәре кандидаты, доцент Анна Скоробогатова, шулай ук күрше-тирә районнардан да укытучылар катнашты. “Шәхеснең мәдәни, мәгариф мохиттәге үсеше” темасы буенча үткәрелгән семинар барышында район мәктәпләреннән 13 укытучы мастер-класс дәресләре бирде.