Игорь Паньшин казаклар эшләре буенча РФ Президенты каршындагы Совет президиумы утырышында катнашты

2025 елның 9 сентябрендә Россия Федерациясе Президенты каршындагы казак эшләре буенча совет президиумы утырышы Дәүләт Башлыгы ярдәмчесе, Совет рәисе Дмитрий Миронов җитәкчелегендә узды.

Видео-конференц-элемтә форматын кулланып үткәрелгән чарада РФ Президентының Идел буе федераль округындагы тулы вәкаләтле вәкиле урынбасары Игорь Паньшин, федераль һәм төбәк башкарма хакимият органнары вәкилләре, хәрби казак җәмгыятьләре һәм Гомумроссия казак берләшмәләре атаманнары, Рус Православие чиркәве руханилары катнашты.

Катнашучыларга сәламләү сүзе белән РФ Президентының СКФОдагы тулы вәкаләтле вәкиле Юрий Чайка һәм Рус Православие Чиркәвенең Казаклык белән хезмәттәшлек буенча Синодаль комитеты рәисе, Ставрополь һәм Невинномысский митрополиты Кирилл мөрәҗәгать итте. Алар казак традицияләрен алга таба да ныгыту һәм яшьләргә патриотик тәрбия бирүнең мөһимлеген ассызыкладылар.

Россия казакларының махсус хәрби операциядә катнашуы һәм аны берләштерү чаралары турындагы доклад белән Бөтенроссия казак җәмгыяте атаманы Виталий Кузнецов чыгыш ясады. Өстәмә докладчылар «Россия һәм чит ил казак – сугышчылары берлеге» гомумроссия иҗтимагый оешмасы рәисе (югары атаманы) Николай Дьяконов һәм Төньяк-Көнбатыш хәрби казак җәмгыяте атаманы Максим Буга булды. Утырыш барышында Казак яшьләре белән эшләүгә аерым игътибар бирелде. Яшьләр эшләре буенча Федераль агентлык җитәкчесе Григорий Гуров VI Бөтенроссия Казак яшьләре форумын уздыруга әзерлек турында мәгълүмат бирде. Россия мәгариф министрының беренче урынбасары Александр Бугаев 2025 елда «Иң яхшы казак кадет корпусы» исеменә конкурс нәтиҗәләре турында сөйләде, шулай ук казак кадет мәгарифен үстерү чаралары белән уртаклашты.

Белем бирү инициативалары буенча фикер алышу кысаларында катнашучылар «Россия казаклыгы тарихы» яңа укыту-методик ярдәмлеген сынау һәм Россия казаклыгы үзәк музее эшчәнлеге мәсьәләләрен карадылар. Моннан тыш, утырыш барышында чит илдә яшәүче ватандашлар арасыннан булган казакларның нәсел варислары белән эшләүнең кайбер аспектларына да кагылдылар. Урал һәм семиреченск казаклары нәселенең оешмалары белән хезмәттәшлекне көчәйтүгә, шулай ук 2026 елга планлаштырылган Бөтендөнья Казаклар конгрессын үткәрүгә әзерләнүгә аерым игътибар бирелде. Утырыш нәтиҗәләре буенча Россиядә һәм аннан читтә казаклыкны алга таба үстерүгә юнәлдерелгән тиешле карарлар кабул ителде.

Мәгълүмат һәм фото РФ Президентының Идел буе федераль округындагы Тулы вәкаләтле вәкиле матбугат хезмәте тарафыннан бирелде