Игорь Комаров Россия Өстәл теннисы академиясендә – Оренбургта сәләтле балалар өчен спорт интернатында булды

2025 елның 11 июле, җомга

2024 ел нәтиҗәләре буенча Татарстанда яшәүчеләрнең 65,8% даими рәвештә спорт белән шөгыльләнә

2025 елның 10 июлендә Россия Президентының Идел буе федераль округындагы Тулы вәкаләтле вәкиле Игорь Комаров һәм Оренбург өлкәсе губернаторы вазыйфаларын вакытлыча башкаручы бөтен Россиядән ел әйләнәсе яшәү һәм яшь спортчыларны һөнәри әзерләү өчен билгеләнгән илдә беренче өстәл теннисы академиясендә булдылар.

"Бүген без федераль масштабтагы гомуми мәйданы 7 мең квадрат метрдан артык булган уникаль спорт-әзерлек комплексын карадык. Бинада уңайлы торак бүлмәләр, өстәл теннисы һәм спортның уен төрләре белән шөгыльләнү өчен спорт залы, медицина пункты бар. Идел буе федераль округында спорт инфраструктурасы актив үсеш ала-безнең округ төбәкләрендә физкультура белән шөгыльләнү өчен шартлардан канәгатьлек күрсәткече югары дәрәҗәдә – 63% тан артык (Россия буенча уртача күрсәткеч-61,5%)", - дип билгеләде Игорь Комаров.

Академия «Газпром» ГАҖ ярдәме белән Россиядә 2013 елда ачылган өстәл теннисы үзәге янында төзелгән. Үзәк базасында эре төбәк, бөтенроссия һәм халыкара ярышлар уза, балалар өчен спорт мәктәбе эшли, анда өстәл теннисы буенча Россиянең 21 спорт мастеры һәм 70 спорт мастерлыгына кандидат әзерләнгән. Академия үзәкне тулыландырачак, хәзер Оренбургта бөтен ил егетләре күнегүләр ясый һәм спорт карьерасын төзи алачак. Хәзер тәрбияләнүчеләрне җыю актив бара.

2024 ел нәтиҗәләре буенча Оренбург өлкәсендә яшәүчеләрнең 58,2% ы спорт белән шөгыльләнүгә җәлеп ителгән. Россия Президенты Владимир Путин кушуы буенча 2030 елга әлеге күрсәткечне 70% ка кадәр үстерү бурычы хәл ителә.

"Оренбург өлкәсендә Без спорт инфраструктурасын үстерү белән актив шөгыльләнәбез. Ел башына төбәктә 5 357 спорт объекты һәм корылмасы исәпләнә, тәэмин ителеш дәрәҗәсе – 70%. Узган ел физкультура һәм спортны үстерүгә 4,4 миллиард сумнан артык акча юнәлдерелгән – һәм бу үткән ел белән чагыштырганда 21% ка күбрәк. Шулай ук беренче тапкыр муниципаль спорт объектларына капиталь ремонт ясау программасы кабул ителде, финанслау күләме 100 миллион сумга якын», – диде Оренбург өлкәсе губернаторы вазыйфаларын вакытлыча башкаручы Евгений Солнцев.

Төбәк башлыгы шулай ук билгеләп үткәнчә, 2024 елда өлкәдә «Оренбургның спорт активы» яңа проекты старт алды, ул спортның төрле төрләре буенча иң эре 10 чараны берләштерде. Проектта 80 меңнән артык кеше катнашты.

Оренбург өлкәсендә инвалидлар һәм сәламәтлек мөмкинлекләре чикләнгән затлар арасында адаптив спорт та үсеш ала. 2024 ел нәтиҗәләре буенча даими рәвештә физик культура һәм спорт белән 37,5 мең кеше шөгыльләнә. Шулай ук ел саен «Хезмәткә һәм оборонага әзер» Бөтенроссия физкультура-спорт комплексында катнашучылар саны арта.