Александр Тихонов: «Ватанны саклаучылар» фонды эшләгән чорда Идел буе федераль округы филиалларына 295 меңнән артык мөрәҗәгать керде»

2025 елның 10 июле, пәнҗешәмбе

Татарстанда «Ватанны саклаучылар» фонды үз эшчәнлеге чорында 57 меңнән артык мөрәҗәгать кабул итте, шуларның 99% хәл ителде

2025 елның 8 июлендә свода катнашучыларга һәм аларның гаилә әгъзаларына ярдәм итү мәсьәләләре буенча Дәүләт Советының профильле комиссиясенең чираттагы утырышы булды. Видеоконференция режимындагы чарада Россия Федерациясе Президентының Идел буе федераль округындагы Тулы вәкаләтле вәкиле урынбасары Александр Тихонов катнашты.

Комиссия составында РФ Президенты ярдәмчесе Алексей Дюмин, РФ Сәламәтлек саклау министры Михаил Мурашко, РФ Хезмәт һәм социаль яклау министры Антон Котяков, Әстерхан өлкәсе губернаторы комиссия рәисе Игорь Бабушкин, шулай ук Россиянең барлык сигез округы, Федераль һәм төбәк хакимият органнары вәкилләре эшләде.

Утырыш барышында махсус хәрби операциядә катнашучыларга һәм аларның гаиләләренә ярдәм чараларының нәтиҗәлелеге турында фикер алыштылар, шулай ук хәл ителәсе проблемаларны билгеләделәр. Медик-психологик ярдәм күрсәтүгә, эшкә урнашуга ярдәм итүгә, СВО катнашучыларын ресоциальләштерү һәм адаптацияләү системасын үстерүгә, шул исәптән җинаять җаваплылыгына тартылучыларны да кертеп, юнәлдерелгән чаралар комплексын эшләүгә аерым игътибар бирелде.

Дәүләт Советы комиссиясе утырышы йомгаклары буенча вәкаләтле вәкил урынбасары Александр Тихонов Идел буе федераль округында ветераннарга һәм махсус хәрби операциядә катнашучыларга һәрьяклап ярдәм күрсәтелүен билгеләп үтте.

"СВО катнашучыларына һәм аларның гаилә әгъзаларына ярдәм итү-безнең турыдан-туры бурычыбыз. Сугышчыларга ярдәм нәтиҗәле һәм вакытында булсын өчен, килгән запросларга оператив җавап бирү мөһим. Округта СВО катнашучыларына «Ватанны саклаучылар» фонды филиаллары зур ярдәм күрсәтә, шул исәптән хәрби хезмәткәрләрне социализацияләү, адаптацияләү һәм реабилитацияләүне дә кертеп. Төбәк бүлекчәләренә ярдәм итү буенча 295 меңнән артык мөрәҗәгать кергән, шуларның 97% ы хәл ителгән, 288 меңнән артыгы. Алар арасында – психологик-психотерапевтик ярдәм күрсәтү, реабилитация мәсьәләләрендә ярдәм итү, СВО ветераннарын укыту һәм эшкә урнаштыру. Эш өзлексез бара һәм дәвам итәчәк», – дип билгеләп үтте РФ Президентының Идел буе федераль округындагы Тулы вәкаләтле вәкиле урынбасары Александр Тихонов.

Комиссия тарафыннан эшләнгән тәкъдимнәр Дәүләт Советы Президиумына һәм РФ Куркынычсызлык Советына юлланачак. Алар шулай ук кирәкле карарлар кабул итү өчен дәүләт башлыгы докладында исәпкә алыначак.