Идел буе федераль округы Яшьләр парламентлары ассоциациясенең XI утырышы

2025 елның 10 июне, сишәмбе

ТР Дәүләт Советы Рәисе Фәрит Мөхәммәтшин Идел буе закон чыгаручы коллегаларын мәктәп волейбол лигасы проектына аерым игътибар бирергә һәм аны Идел Буе төбәкләрендә тарату турында уйларга чакырды. Идел буе закон чыгаручылары Фәрит Мөхәммәтшинның тәкъдимен хупладылар һәм Татарстан инициативасын утырышның йомгаклау беркетмәсенә керттеләр

2025 елның 5 июнендә Пензада Россия Федерациясе Президентының Идел буе федераль округындагы Тулы вәкаләтле вәкиле урынбасары Олег Машковцев һәм Идел буе федераль округы Закон чыгаручылар советы әгъзалары, аның рәисе Евгений Люлин җитәкчелегендә, Россия Федерациясе Идел буе федераль округы субъектлары дәүләт хакимиятенең закон чыгару органнары каршындагы Яшьләр парламентлары ассоциациясенең XI утырышында катнаштылар. Модератор булып яшьләр парламентлары ассоциациясе координаторы Владимир Москаленко чыгыш ясады. 

Утырышны ачып, Олег Машковцев көн тәртибендәге мәсьәләләрнең актуальлеген билгеләп үтте һәм яшь парламентарийларның Идел буе Закон чыгаручылары белән норматив хокукый базаны камилләштерү буенча уртак эшенең төп юнәлешләрен билгеләде. Президентның Тулы вәкаләтле вәкиле урынбасары дәүләт башлыгы Владимир Путин куйган бурыч турында искә төшерде: 2030 елга Россия гражданнарының 70% спор системалы рәвештә спорт белән шөгыльләнүгә җәлеп итү, ягъни спортны төрле яшьтәге һәм сәламәтлек төркемнәрендәге 93 миллион кеше өчен тормыш нормасы итү. Шулай ук Олег Машковцев ассызыклаганча: «үсеп килүче буынны тәрбияләү мәсьәләсе, цифрлаштыру һәм гибрид сугышлар белән бергә постглобальләшү шартларында традицион рухи кыйммәтләргә йөз тоту – бу, асылда, Россиянең киләчәктә яшәве мәсьәләсе һәм Көнбатыш элиталары тарафыннан яшьләребезнең социаль-мәгълүмати манипуляцияләренә нәтиҗәле каршы тору инструментлары».

Пенза өлкәсе Закон чыгару Җыелышы рәисе Вадим Супиков яшь хезмәттәшләрен Ассоциациянең өч еллыгы белән котлады, консультатив-киңәшмә органы оешканнан соң өч ел эчендә мөстәкыйль һәм саллы көчкә әверелде, нәтиҗәле һәм зур потенциалга ия булды, эш системалы төс алды, дип ассызыклады ул.

"Яшьләр үсеп килүче буыннар өчен иң актуаль һәм сизгер мәсьәләләрне күтәрә. Регионнар дәрәҗәсендә генә түгел, федераль масштабта да әһәмиятле проблемаларны законнар белән җайга салу буенча тәкъдимнәр белән чыга. Яшьләр инициативаларының кайберләре Идел буе төбәкләре законнарында үз чагылышын тапты инде. Билгеләп үтәм, безнең ил өчен традицион кыйммәтләрне саклау яшьләр парламентлары ассоциациясе эшенең төп юнәлеше булып кала», – дип йомгаклады Вадим Супиков.

Пленар утырышта яшьләр арасында массакүләм спортны үстерү һәм Россия Федерациясе Идел буе федераль округы субъектлары яшьләре өчен спорт инфраструктурасыннан файдалану мөмкинлеге турында фикер алышу булды. Сәламәт яшәү рәвешен пропагандалауга һәм яшьләрне ЗОЖГА җәлеп итүгә юнәлдерелгән иң яхшы төбәк проектларын Пенза өлкәсе Закон чыгару Җыелышы каршындагы Яшьләр парламенты Рәисе Антон Павлуткин тәкъдим итте. 

Парламентарий утырышта катнашучыларга мәктәп һәм студентлар спорт клублары, экстремаль, урам спорт төрләре һәм ФИДЖИТАЛ-спорт системасын үстерү, ГТО комплексын кертү һәм РФ Яңа регионнарының шефлыкка алынган районнарыннан килгән балалар тарафыннан нормативлар тапшыру, адаптив спорт өлкәсендә яшьләр өчен иң яхшы инициативалар һәм инклюзив командалар төзү, спорт-патриотик һәм хәрби-гамәли юнәлештәге проектларны гамәлгә ашыру турында сөйләде..

"Агымдагы елда Игорь Анатольевич Комаров ярдәме белән эшләүче яшьләр өчен «МолоТ» (Яшьләр хезмәте) яңа округ проекты старт алды. Ул интеллектуаль, һөнәри юнәлеш бирү, Гаилә һәм спорт конкурсларын үз эченә ала», – дип конкретлаштырды Антон Павлуткин.

Моннан тыш, докладта, Ассоциация әгъзалары фикеренчә, яшьләрне физик активлыкка омтылуда чикли торган проблемалы мәсьәләләр билгеләнде. Алар арасында: креатив тренерларның китүе, спорт объектларының бертигез булмавы, студентлар спортына ярдәмнең җитәрлек булмавы. Беренче мәсьәлә буенча Ассоциация карарына физкультура укытучысы һөнәренең абруен күтәрүгә, яшьләр арасында милли һәм халык спорт төрләрен популярлаштыруга, сәламәт туклануны пропагандалауга юнәлдерелгән тәкъдимнәр кертелгән.

Шулай ук Яшьләр парламенты лидерлары регионнарның гаилә кыйммәтләрен формалаштыруга һәм яшьләрне гаилә тормышына әзерләүгә юнәлдерелгән эшләнмәләре белән таныштылар. Иң яхшы программаларны Самара губерна Думасы каршындагы Иҗтимагый яшьләр парламенты рәисе Даниил сиднев тәкъдим итте.

Мәгълүмат һәм фото РФ Президентының Идел буе федераль округындагы Тулы вәкаләтле вәкиле матбугат хезмәте тарафыннан бирелде