Пенсияләрне түләүнең төгәл датасын хәзер телефоннан белергә була
Россия Почтасының контакт-үзәге Россия Почтасы пенсионерлар өчен компания белән хезмәттәшлекне җиңеләйтә торган яңа сервис мөмкинлекләрен кертте. Хәзер контакт-үзәкнең бушлай телефоны буенча 8-800-100-00-00 пенсия түләү көннәрен белергә, китерү параметрлары буенча киңәшләшергә яки кабат гариза язарга була. Мондый алым клиентларның уңайлылыгын шактый арттыра һәм проблемаларны дистанцион рәвештә, почта бүлегенә кермичә генә хәл итәргә ярдәм итә.
Россия Почтасының заманча цифрлы системасы реаль вакыт режимында акчалар кергән вакыттан алып адресатка җиткерелгәнгә кадәр түләүләрнең бөтен процессын күзәтеп торырга мөмкинлек бирә. Анда һәр этап теркәлә, бу контрольнең үтә күренмәлелеген һәм дәрәҗәсен сизелерлек арттыра.
Элегрәк пенсияләр һәм социаль пособиеләр хисабын мөстәкыйль күзәтеп тору, шулай ук аларны кабат китереп җиткерү мөмкинлеге, әгәр, мәсәлән, түләүләр көнендә алучының өендә булмаса, Россия Почтасы сайтында шәхси кабинетта барлыкка килде.
Почта-Татарстан Республикасының һәм Россиянең барлык торак пунктларына хезмәт күрсәтүче бердәнбер оператор. Компания түләүләрне хәтта төбәкнең иң ерак һәм барып җитү авыр почмакларына да китерә, аларның зурлыгына һәм урнашу урынына карамастан. Нәкъ менә Почта башка хезмәтләр барып җитә алмаган торак пунктларда пенсионерларга социаль ярдәм күрсәтә.
«Безнең өчен пенсия яки социаль түләүләр алучыларның һәрберсе мөһим, эре шәһәрдә яки берничә йортлы ерак авылда яшәвенә карамастан. Безнең хезмәткәрләр, барып җитү авыр булган торак пунктларда бер-ике пенсионерга да түләүләрне җиткерү өчен, даими рәвештә йөзләрчә километр юл үтәләр. Без үзебезнең социаль җаваплылыгыбызны аңлыйбыз һәм пенсияләр һәм пособиеләр алу процессын барлык гражданнар өчен мөмкин кадәр уңайлы һәм ышанычлы итәргә омтылабыз», — дип билгеләде Россия Почтасы генераль директорының беренче урынбасары Максим Цыпин.
Пресс-служба УФПС "Татарстан почтасы" АО «Почта России»