Татарстаннан хат ташучы Халидә Гафиятуллина «Халык хат ташучысы» Гомумроссия интернет-тавыш бирүендә Республика исеменнән чыгыш ясаячак

Россиядә «Халык почтальоны»өчен интернет-тавыш бирү башланды. Анда катнашучылар «Россия Почтасы» АҖ ярдәмендә «Бердәм Россия» нең «Россия авылы» партия проекты һәм Россия авыл яшьләре берлеге тарафыннан үткәрелә торган «Земство почтальоны»конкурсының бер номинациясендә җиңүчене сайлаячаклар.

Россия Почтасының «ВКонтакте» социаль челтәрендәге битендә россиялеләр авыл җирендә һәм 50 меңгә кадәр кеше яшәгән кече шәһәрләрдә эшләүче хат ташучыларга ярдәм итә ала. Тавыш бирүдә тәкъдим ителгән почтальоннар – конкурсның региональ этапларында җиңүчеләр, аларны эксперт жюри билгеләде. Татарстан Республикасын Биектау районының Олы Битаман авылыннан Халидә Гафиятуллина тәкъдим итә, ул инде 30 ел почтада эшли.

Халидә Гафиятуллинаны сылтама буенча «ВКонтакте " социаль челтәрендәге аккаунттан хупларга мөмкин clck.ru/3Lzkmt анда Идел буе федераль округы финалистлары турында мәгълүматлар урнаштырылган. Тавыш бирү 2025 елның 5 июненә кадәр дәвам итәчәк.

«Земство почтальоны» Бөтенроссия конкурсы беренче мәртәбә уздырыла. Анда илнең 86 төбәге катнаша. Конкурсның беренче этабында 3000нән артык гариза килгән. Финалга 86 кеше чыкты. Көндезге йомгаклау ярышы 5 июньдә Мәскәүдә узачак, ә җиңүчеләрне бүләкләү тантанасы 6 июньдә «Россия» милли үзәгендә авыл хезмәтчәннәре форумы кысаларында узачак.

Конкурста җиңүче 250 000 сум күләмендә акчалата приз алачак, ә интернет-тавыш бирү нәтиҗәсендә сайланачак «Халык почтальоны» – 150 000 сум.