Игорь Комаровның Ульяновск өлкәсенә эш сәфәре
Татарстан Республикасыннан утырышта ТР Дәүләт Советы Рәисе Фәрит Мөхәммәтшин катнашачак
2025 елның 14 мартында Россия Президентының Идел буе федераль округындагы тулы вәкаләтле вәкиле Игорь Комаров Ульяновск өлкәсендә эшләячәк.
Тулы вәкаләтле вәкил Идел буе федераль округы Россия Федерациясе субъектлары дәүләт хакимиятенең закон чыгару органнары ассоциациясенең пленар утырышында катнашачак. Чара барышында закон чыгару органнары җитәкчеләре һәм экспертлар пилотсыз авиация үсешенең актуаль мәсьәләләрен, шулай ук округ төбәкләрендә традицион рухи-әхлакый кыйммәтләрне саклау һәм ныгыту өлкәсендә дәүләт башлыгы Владимир Путин куйган бурычларны караячак.
Шул ук көнне Игорь Комаров Ульяновск өлкәсе губернаторы Алексей Русских белән эшлекле очрашу уздырачак.
Татарстан Республикасыннан утырышта ТР Дәүләт Советы Рәисе Фәрит Мөхәммәтшин катнашачак.