Идел буе федераль округының барлык 14 төбәгендә дә «Геройлар вакыты»федераль кадрлар проекты аналоглары эшли башлады
Агымдагы елның 10 мартына Татарстан Республикасында «Геройлар вакыты» кадрлар программасында катнашу өчен 994 кеше теркәлгән
Дәүләт башлыгы Владимир Путин кушуы буенча Идел буе федераль округының һәр төбәгендә дәүләт һәм муниципаль органнарда эшләү өчен махсус хәрби операция ветераннарын әзерләү буенча «Геройлар вакыты» федераль проектына охшаш программа эшләтеп җибәрелде. Федераль кадрлар программасын төбәк дәрәҗәсенә киңәйтү тәкъдиме белән Россия Президенты 2024 елның 14 декабрендә «Бердәм Россия» партиясе съездында чыгыш ясады.
Инициатива нигезенә СВОдан кайткан хәрби хезмәткәрләрне уңышлы җайлаштыру буенча федерация субъектлары эшләнмәләре ятты. Идел буе федераль округында шундый төбәкләр арасында Самара өлкәсе дә бар, анда узган елның 1 октябреннән махсус хәрби операциядә катнашучылар өчен «Геройлар мәктәбе»гамәлгә ашырыла. Программада һөнәри белем бирү, махсус операциядә катнашучыларның һәм аларның гаилә әгъзаларының күнекмәләрен үстерү һәм эшкә урнаштыру буенча чаралар каралган.
Агымдагы елның 10 мартына Идел буе федераль округы төбәкләрендә «Геройлар вакыты» төбәк кадрлар программаларында катнашу өчен 5,3 меңгә якын кеше теркәлгән (иң күбе Татарстан Республикасында – 1061, Түбән Новгород өлкәсендә – 888, Башкортостан Республикасында – 825). Бәяләү чаралары йомгаклары буенча Идел буе федераль округында 745 кешене һәм 360ны гамәлдәге махсус операция ветераннарыннан резервка алу планлаштырыла.
"Алгы сызыкта безнең геройлар батырлык, ныклык һәм Ватанга тугрылык күрсәтәләр. Күпләр алга таба гражданлык хезмәтендә Россиягә файда китерергә әзер. Алар үзләрен икътисадтан һәм социаль өлкәдән алып мәдәният һәм спортка кадәр төрле юнәлешләрдә күрсәтә алалар. Идел буе федераль округы регионнары командасын лаеклы кешеләр белән көчәйтергә телибез», – диде Россия Президентының Идел буе федераль округындагы тулы вәкаләтле вәкиле Игорь Комаров.
Исегезгә төшерәбез, узган елның маенда президент Владимир Путин кушуы буенча «Геройлар вакыты»федераль программасының беренче агымы тыңлаучыларын укыту башланды. Проект РАНХиГС Дәүләт идарәсе югары мәктәбе тарафыннан «Сенеж» идарәсе остаханәсе базасында тормышка ашырыла, РФ Президенты Администрациясе, РФ Хөкүмәте, министрлыклар һәм ведомстволар хезмәткәрләре остазлары. «Геройлар вакыты» ның 83 тыңлаучысының күбесе югары постлар алды инде, алар арасында тулы вәкаләтле вәкил урынбасары Александр Тихонов та бар, аның остазы-РФ Президентының Идел буе федераль округындагы тулы вәкаләтле вәкиле Игорь Комаров. Хәзер тулы вәкаләтле вәкил остазы каршында полиция подполковнигы Иван Әмиров укуын дәвам итә.
Мәгълүмат РФ Президентының Идел буе федераль округындагы тулы вәкаләтле вәкиле матбугат хезмәте тарафыннан бирелде