Татарстан Республикасы һәм Россия Почтасы почта челтәрен бергәләп үстерүне дәвам итәчәк
Татарстан Республикасы Рәисе Рөстәм Миңнеханов һәм Россия Почтасы генераль директоры Михаил Волков төбәктә почта челтәрен үстерү буенча хезмәттәшлекнең төп юнәлешләре турында фикер алыштылар. Казандагы очрашуда катнашучылар билгеләп үткәнчә, Россия Почтасы һәм Татарстан хезмәт күрсәтүләрнең сыйфатын арттыру, шулай ук яңа технологияләр үсешенә ярдәм итү мәсьәләләре буенча нәтиҗәле хезмәттәшлек итә.
Яклар Россия Президенты йөкләмәсе буенча Почта үткәрә торган авыл бүлекчәләрен модернизацияләү проекты йомгаклары буенча фикер алыштылар. 2024 елда Россия Почтасы Татарстанның 26 авылында бүлекчәләрен яңартты, шуның җидесендә бүлекчәләрне тиз торгызыла торган конструкцияләр технологиясе буенча төзеделәр. Бу авыл җирендә яшәүче 48 000нән артык татарстанлы өчен хезмәт күрсәтү сыйфатын күтәрде. Модернизацияләү программасы буенча Россия Почтасы республикада 73 авыл бүлекчәсен ремонтлаган инде. Алар 150 000 нән артык кешегә хезмәт күрсәтә. Агымдагы елда бу эш дәвам итәчәк.
Пресс-служба УФПС "Татарстан почтасы" АО «Почта России»