««МолоТ» Россиядә эшләүче яшьләр өчен беренче масштаблы иҗтимагый проект булачак», - Игорь Комаров
2024 елда Идел буе федераль округының иҗтимагый проектларында Татарстаннан 18849 яшь кеше катнашты
2025 елның 25 февралендә Россия Президентының Идел буе федераль округындагы тулы вәкаләтле вәкиле Игорь Комаров Идел буе федераль округында гражданлык җәмгыяте институтларын үстерүгә ярдәм итү фонды советы утырышын уздырды. Чарада җәмәгать эшлеклеләре һәм Россия Федерациясе субъектларының Идел буе федераль округында урнашкан эре предприятиеләре җитәкчелеге вәкилләре катнашты.
Утырыш барышында Идел буе федераль округында яшьләр сәясәтен алга таба гамәлгә ашыру планнары, шул исәптән округ иҗтимагый проектлары кысаларында да, тикшерелде.
Игорь Комаров билгеләп үткәнчә, бу эшчәнлек Россия Президенты Владимир Путин куйган бурычларны хәл итүгә юнәлдерелгән: «Идел буе федераль округы территориясендә гамәлгә ашырыла торган иҗтимагый проектлар Россиянең 2030 елга кадәрге чорга һәм 2036 елга кадәрге перспективага – һәр кешенең потенциалын тормышка ашыруга, аның талантларын үстерүгә, патриотик һәм социаль җаваплы шәхес тәрбияләүгә туры килә».
Идел буенда 13 иҗтимагый проект гамәлгә ашырыла, алар балалар һәм яшьләрнең үсешенә стимуллар тудыра, социаль мәсьәләләрне хәл итәргә ярдәм итә. 2024 елда Россия Президентының Идел буе федераль округындагы тулы вәкаләтле вәкиле аппараты Фонд белән бергә гамәлгә ашыра торган округ проектларында округның 14 төбәгеннән 384 меңнән артык яшь кеше катнашты.
«2025 елның төп яңалыгы – эшләүче яшьләр өчен "МолоТ " яңа иҗтимагый проекты. Проект реаль сектор предприятиеләре командаларын берләштерәчәк, алар яшьләр арасында популяр булган спорт дисциплиналарында һәм интеллектуаль конкурсларда ярышачак. Быел округ финалы Пермь краенда узачак, чөнки Пермь Россиянең Яшьләр башкаласы булды. Мондый проект матди стимуллардан тыш, иҗтимагый танылу да, шәхси үсеш мотивациясе дә кирәк дип саныйбыз», – дип өстәде Игорь Комаров. Вәкаләтле вәкил әлеге проектның эшләүче яшьләр өчен Россиядә беренче масштаблы иҗтимагый проект булачагына аерым игътибар юнәлтте.
"Иҗтимагый проектларны гамәлгә ашырганда яшьләр белән кире элемтә булу мөһим, алар яшьләрнең реаль ихтыяҗларына җавап бирергә, кабинетларда тумыйча, вакыт таләпләрен исәпкә алып, үз вакытында эшләнергә һәм төзәтелергә тиеш, – дип ассызыклады Игорь Комаров. - Балаларның дус илләрдән яшьтәшләре белән кызыксынуын исәпкә алып, 2025 елда география киңәйтеләчәк: ел саен Беларусь, Казахстан, Үзбәкстан командалары килә, 2024 елда беренче тапкыр Кыргызстан вәкилләре өстәлде. Даими рәвештә Донецк һәм Луганск халык республикаларыннан, Запорожск өлкәсеннән командалар катнаша"»
(1).jpg)
"Россия Президенты Владимир Путин Самарада пилотсыз авиация системаларын үстерү буенча күптән түгел узган киңәшмәдә чираттагы тапкыр бу өлкәнең перспективалы һәм әһәмиятле булуын билгеләп үтте. Идел буе федераль округында ул аеруча тиз үсә, күп кенә төбәкләрдә БПЛА эшләү, сынау һәм җитештерү өчен технологик инфраструктура бар. Президент куйган бурычларны һәм бу юнәлешнең үсеш перспективаларын исәпкә алып, без пилотсыз очу аппаратларын пилотлаштыру һәм программалаштыру буенча ярышларны Идел буе федераль округының интеллектуаль олимпиадасына керттек", - дип сөйләде Игорь Комаров.
Әлбәттә, барлык округ иҗтимагый проектларында Бөек Ватан сугышында Җиңүнең 80 еллыгы һәм Ватанны саклаучылар елы чагылдырылачак.
Мәгълүмат һәм фото РФ Президентының Идел буе федераль округындагы Тулы вәкаләтле вәкиле матбугат хезмәте тарафыннан бирелде