Самарада кышкы Туриада тәмамланды
Татарстан спортчылары төркем зачетында призлы 2 урынны алдылар. Команда зачетында Татарстан Республикасы 5 нче урынны алды
2025 елның 21 февралендә Самара өлкәсендә чаңгы дистанцияләрендә спорт туризмы буенча Идел буе федераль округы беренчелеге тәмамланды – «Туриада»ның кышкы этабы, ул Россия Федерациясе Президентының Идел буе федераль округындагы тулы вәкаләтле вәкиле Игорь Комаров патронаты астында уза.
18-21 февральдә «Чайка» спорт мәктәбе базасында округның барлык 14 төбәгеннән 236 спортчы җиңү өчен көрәште. Алар эстафета узышында, шәхси узышларда, бәйләүле узышларда һәм туристлык киртәләрен җиңеп, чаңгыда төркемле узышларда көч сынаштылар. Турнир кысаларында шулай ук Идел буе федераль округының кышкы кубогы уздырылды.
Дүрт көн йомгаклары буенча команда зачетында җиңүчеләр һәм призерлар билгеләнде. 14-15 яшьлек егетләр һәм кызлар арасында 1 урынны Удмуртия Республикасы командасы алды, 2 урынны – Оренбург өлкәсе командасы, 3 урынны Марий Эл Республикасы командасы алды. Юниорлар һәм яшүсмерләр арасында (16-21 яшь) Мари Эл Республикасы командасы җиңде, 2 урынны Удмуртия Республикасы командасы алды, 3 урынны Самара өлкәсе командасы алды.
.jpg)
Ярыш нәтиҗәләре белән тулырак сылтама буенча танышырга мөмкин.
Беренчелек нәтиҗәләре традиция буенча май аенда Саратов өлкәсенең Хвалынск шәһәрендә узачак «Туриада» 12нче округ спорт-туристлык лагереның гомумкоманда зачетында исәпкә алыначак.
Информация и фото предоставлены пресс-службой полномочного представителя Президента РФ в ПФО