Җәмәгать урыннарына бару кагыйдәләре, ОРВИ, грипп һәм COVID-19 профилактикасы турында
Кулларыгызны сабын белән еш юыгыз Көнкүреш юу чараларын кулланып, өслекләрне чистартыгыз һәм дезинфекцияләгез. Кул гигиенасы-грипп һәм коронавирус инфекциясе таралуны профилактикалауның мөһим чарасы. Кулларны сабын белән юу вирусларны бетерә. Әгәр аларны сабын белән юу мөмкинлеге булмаса, антисептиклар кулланыгыз. Төрле учреждениеләрдә, җәмәгать файдалану урыннарында булганнан соң, транспортта йөргәннән соң кулларыгызны, аннары битегезне юыгыз. Өслекләрне (өстәлләрне, ишек тоткаларын, урындыкларны, гаджетларны һ.б.) чистарту һәм даими дезинфекцияләү вирусларны бетерә. Ераклыкны һәм сулыш этикетын саклагыз Вируслар авыру кешедән сәламәт кешегә һава - тамчы юлы белән (төчкергәндә, йөткергәндә) күчә, шуңа күрә авырулардан кимендә 1,5 метр араны сакларга кирәк. Кулларыгыз белән битегезгә (бигрәк тә күзләрегезгә, борыныгызга яки авызыгызга) кагылмаска тырышыгыз. Инфекция йоктыру куркынычын киметү өчен битлек киегез. Йөткергәндә, төчкергәндә авызны һәм борынны бер тапкыр кулланыла торган тастымаллар белән капларга кирәк, аларны кулланганнан соң ташларга кирәк. Артык сәфәрләр һәм кеше күп булган урыннарга барудан качып, авыру куркынычын киметергә мөмкин. Сәламәт яшәү рәвеше алып барыгыз Сәламәт яшәү рәвеше организмның инфекциягә каршы торучанлыгын арттыра. Көн режимын саклагыз. Иммун системасы эшләү өчен тулы канлы йокы, аксымга, витаминнарга һәм минераль матдәләргә бай азык-төлек куллану, физик активлык кирәк. Сулыш органнарын медицина битлеге ярдәмендә саклагыз Профилактиканың башка чаралары арасында битлек кию аерым урын алып тора, шуның аркасында вирус таралуы чикләнә. Сулыш органнарын саклау өчен медицина битлекләрен кулланалар: - төрле учреждениеләргә, җәмәгать урыннарына, кешеләр җыела торган урыннарга барганда, кискен респиратор вируслы инфекцияләр белән авыручылар саны арту чорында җәмәгать транспортында йөргәндә; - кискен респиратор вируслы инфекцияләр белән авыручыларны караганда; - кискен респиратор инфекция билгеләре булган затлар белән аралашканда; -һава-тамчы юлы белән тапшырыла торган төрле кузгаткычлар белән инфекция йоктыру куркынычы булганда.