Татарстан Республикасында суд табигатьне саклау прокуратурасы таләпләрен хуплады һәм предприятиене атмосфера һавасын саклау турындагы законнарны бозуны бетерүне йөкләде

Казан районара табигатьне саклау прокуратурасы атмосфера һавасын саклау өлкәсендәге законнарның үтәлешен тикшерде. Татарстан Республикасы Биектау районында авыл хуҗалыгы предприятиесе тарафыннан җитештерү эшчәнлеге алып барыла, аның барышында атмосфера һавасына елына 30 тоннадан артык пычраткыч матдәләр чыгарыла. Шул ук вакытта предприятие тарафыннан уңайсыз метеорологик шартлар чорында чыгарып ташлауларны киметү буенча чаралар планы эшләнмәгән, шуның белән әйләнә-тирә мохиткә һәм кешеләрнең сәламәтлегенә зыян китерү куркынычы тудырыла. Әлеге фактлар буенча прокуратура оешманың җаваплы вазыйфаи затына карата РФ КоАП 8.1 маддәсе буенча административ хокук бозу турында эш кузгаткан (шәһәр төзелеше эшчәнлеген гамәлгә ашырганда һәм предприятиеләрне, корылмаларны яки башка объектларны эксплуатацияләгәндә экологик таләпләрне үтәмәү). Закон бозуларны бетерү максатыннан табигатьне саклау прокуроры судка мөрәҗәгать иткән. Суд карары белән прокурор таләпләре тулы күләмдә канәгатьләндерелде. Предприятиегә уңайсыз метеорологик шартлар чорында чыгарып ташлауларны киметү буенча чаралар планын эшләү һәм Татарстан Республикасы Экология һәм табигый байлыклар министрлыгына җибәрү, шулай ук килештерелгән план нигезендә эшне тәэмин итү бурычы йөкләнгән Закон бозуларны бетерү һәм суд карарын үтәү прокуратура контролендә тора.