Балык Бистәсе муниципаль районы территориясендә алкоголь һәм спиртлы продукциянең законсыз әйләнешен ачыклау һәм булдырмау буенча ведомствоара комиссия утырышы
Татарстан Республикасы Балык Бистәсе муниципаль районы территориясендә алкоголь һәм спиртлы продукциянең законсыз әйләнешен ачыклау һәм булдырмау буенча ведомствоара комиссиянең Татарстан Республикасы Балык Бистәсе муниципаль районы Башкарма комитеты җитәкчесе Данис Габделхарис улы Сатдинов рәислегендә чираттагы утырышы булды. Утырышта эшче төркем әгъзалары, алкоголь продукциясе белән тәэмин итүчеләр вәкилләре, шулай ук алкоголь продукциясен сатучы эшмәкәрләр катнашты. Татарстан Республикасы Дәүләт алкоголь инспекциясенең Казан территориаль органы башлыгы Марина Ивановна Егорова 2024 елның 9 ае йомгаклары буенча Балык Бистәсе муниципаль районының алкоголь базарындагы вәзгыять турында сөйләде, шулай ук гадел билге системасында эшләү кирәклеге турында искәртте. «Прогресс» ҖЧҖ җитәкчесе Кальницкий Михаил Олегович салым законнарындагы төп үзгәрешләр һәм 2025 елның 1 гыйнварыннан декларацияләрне тапшыру тәртибе турында мәгълүмат бирде.