Сезон буенча туклану. Февраль җимешләре

Февраль-елның иң кыска ае, димәк, рәсми рәвештә кыш тиздән бетәчәк.  Көннәр озыная, кояш ешрак чыга һәм бу сөендерми кала алмый . Шулай да, көч һәм ресурслар бетә. Ярдәм кирәк – гадәттәгечә, тулы йокы, иртәнге зарядка, ачык һавада йөрү, һәм, әлбәттә, сәламәт һәм файдалы туклану ярдәм итәчәк.

Әлбәттә, кышын җимеш сайлау мөмкинлеге бик зур түгел, ләкин кибетләрдә организмга булышу өчен зур ассортимент табарга мөмкин. Мәсәлән, банан белән бергә статистика буенча россиялеләрнең иң популяр җимеше булган алманы еш кына кыш көне генә түгел, җәй көне дә сатып алалар. Банан  калорияле,  бик яхшы ризык. Аңа кефир һәм  бераз туңдырылган җиләкләр өстәп, блендерда чыгарырга була  Бик тәмле, файдалы һәм туклыклы ризык килеп чыга.

Саклауга килгәндә, бананны суыткычка салырга кирәк түгел. Алар өлгерүне тизләтүче этилен-газ чыгаралар. Бу җимешләр белән бергә сакланган ризыклар тизрәк бозыла. Әгәр дә сез бананны суыткычка салырга телисез икән, капкач белән аерым контейнер куллану яхшырак.

Шул ук кагыйдәләр  авокадога карата да кулланыла. Тышкы кыяфәте буенча җимеш күбрәк чикләвеккә охшаса да, химик составы һәм тәмлелеге буенча яшелчә. Аны салатларга өстәргә була шулай итеп сез А, Е, В, К витаминнары, фолий кислотасы һәм иң мөһиме кыйммәтле монотуендырылмаган май кислоталары (бөтен җыелма берьюлы: омега 3, омега 6, омега 9) алачаксыз, алар организмга файдалы йогынты ясый.

Февральдә цитруслы: апельсин, мандарин, лимон, Лайм, свити, помело һәм грейпфрутлар элеккечә актуаль. Алар белән бергә йөзем, груша, граната һәм киви.

Җимешләрне суыткычның махсус бүлегендә – температурасы 6 градустан артмаган фреш-зонада саклау яхшырак. Әгәр дә Сез бик күп җимеш сатып алсагыз һәм ашарга өлгермәсәгез, аларны нечкә итеп кисү һәм туңдыру яхшырак.