Эшлекле сишәмбе
Район Башкарма комитеты җитәкчесе Данис Сатдинов атна саен администрация бүлек башлыклары , урынбасарлары, һәм кайбер оешма җитәкчеләре белән планерка үткәрә.
Киңәшмә барышында узган атнага йомгак ясалды һәм киләчәккә планнар билгеләнде. Көн тәртибендә узган атнада хокук саклау һәм янгынга каршы эшчәнлекнең торышы, «Теплоэнергосервис» МУП эше, шулай ук районда авыл хуҗалыгы эшчәнлеге турында фикер алыштылар.
«Көзге игелек атнасы» акцияләре кысаларында бәйрәм чараларын әзерләү һәм үткәрү барышы турында Башкарма комитет җитәкчесенең социаль мәсьәләләр буенча урынбасары Айгөл Вафина хәбәр итте. Атна дәвамында төрле чаралар узачак, анда районның теләсә кайсы кешесе актив катнаша ала. Алынган акчалар сугышчыларның ихтыяҗларына үзенекеләргә юнәлтеләчәк
«Балык Бистәсе үзәк больницасы» ДАССОның баш табиб урынбасары Энҗе Гаязова агымдагы елда халыкны диспансерлаштыру буенча эш нәтиҗәләре турында хәбәр итте.
Нәтиҗә ясап, җаваплы җитәкчеләргә берничә йөкләмә бирелде.