Танып - белү-уен программасы " Көчле, кыю, җитез, оста»
Яшь буында гражданлык һәм патриотизм хисе тәрбияләү бу көннәрдә бик актуаль. Нәкъ менә шуңа күрә балалар үзәгендә Ватанны саклаучылар көне алдыннан «Балам-багалмам»клубының яшүсмерләре һәм ата-аналары белән очрашу узды. Катнашучыларга музей буенча экскурсия үткәрелде. Укучылар Бөек Ватан сугышы геройлары, якташларыбызның нинди хезмәт һәм катнашуы, Җиңүне якынайту юллары турында зур кызыксыну белән тыңладылар! Очрашуда катнашучылар кыюлык, намус, патриотлык кебек төшенчәләр турында фикер алыштылар һәм үз фикерләрен әйттеләр, яшүсмерләрне тормыш мәгънәсе, максатлары турында уйланырга дәртләндерделәр.
Шуннан соң балалар «Көчле, кыю, җитез, оста» танып-белү-уен программасында катнаштылар. Балалар уенда бик теләп катнаштылар. Катнашучылар командаларга бүленде. Аларга тарихи темаларга кызыклы конкурслар, йөгерү, туп белән уеннар тәкъдим ителде. Спорт дәрте балаларны яулап алды, алар барлык биремнәрне дә тырышып үттеләр, үзләрен көчле, җитез, тиз һәм эрудицияле итеп күрсәттеләр.