Татарстанда 914 меңнән артык өлкән кеше яши
Татарстанда 914 меңнән артык өлкән кеше яши
Бүген республикада пенсия чиген узган 914 меңнән артык татарстанлы яши. Бу турыда Татарстан Республикасы Хезмәт, халыкны эш белән тәэмин итү һәм социаль яклау министрлыгы башлыгы Эльмира Зарипова Татарстан Республикасы Министрлар Кабинетында узган брифингта хәбәр итте.
Шул ук вакытта 39,5 мең татарстанлы өйдә, стационар яки ярымстационар формада социаль хезмәтләр ала.
2019 елдан республикада «Демография» илкүләм проектының «Өлкән буын» федераль проекты кысаларында өлкән яшьтәге гражданнарны һәм инвалидларны озак вакытлы карау системасы уңышлы тормышка ашырыла.
Хәзерге вакытта 5,8 меңнән артык өлкән татарстанлы озак вакытлы карау белән колачланган.
Узган елның июненнән озак вакытлы кайгырту системасына кертелгән гражданнар социаль пакет хезмәтләрен бушлай ала ала.
Моннан тыш, озак вакытлы карау кысаларында төрле стационарны алыштыру технологияләре гамәлгә ашырыла: «Өлкән яшьтәге гражданны тәрбиягә кабул иткән гаилә», «Мобиль бригада», «Тәрбия мәктәбе», «Караучы» («Сиделка») хезмәтләре.
Халыкка социаль хезмәт күрсәтү комплекслы үзәкләре базасында тернәкләндерүнең техник чараларын прокатка алу пунктлары эшли.
«Демография» илкүләм проекты кысаларында авыл җирендә яшәүче 65 яшьтән өлкәнрәк затларны медицина оешмаларына китерү гамәлгә ашырыла.
Актив пенсионерлар, шулай ук пенсия алды яшендәге гражданнар «Демография» илкүләм проектының «Мәшгульлеккә ярдәм итү» региональ проектын тормышка ашыру ярдәмендә уку узып яңа һөнәр ала ала.