Балык Бистәсенең Төньяк микрорайонында газ җибәрү тантанасы

Бүген Балык Бистәсе районының Төньяк микрорайонында торак йортларга челтәр газын тантаналы рәвештә тоташтырылды.

Күпләребез көтеп алган көн килеп җитте! Бүген торак йортларга челтәр газы тоташтырылды. Газ – ул яңа тормыш символы! Һәм бу шатлык бүген өйләргә килә.

Тантаналы чарада Татарстан Республикасы Балык Бистәсе муниципаль районы башлыгы Таҗетдинов Илдар Рәшит улы, «Газпром трансгаз Казан» ҖЧҖнең «Сабагаз» эксплуатация-җитештерү идарәсе башлыгы Мөхетдинов Ирек Исмәгыйль улы һәм Балык Бистәсе халкы катнашты.

Чара район мәдәният йорты хезмәткәрләре башкаруында бәйрәм концерты белән дәвам итте.