Татарстанда яңа төзелешләрнең 80% тан артыгы эскроу җәлеп итеп төзелә

2021 елның 23 сентябре, пәнҗешәмбе

Татарстан Росреестрында 2021 елның 8 аенда исәпкә алу-теркәү өлкәсендәге эшчәнлеккә йомгак ясап, әнә шундый нәтиҗәгә килделәр.

Әйтик, 2021 елда төзелештә өлешләп катнашу буенча 12 280 килешүнең 9 меңе эскроу-счет кулланып теркәлгән. Шул ук вакытта узган ел шул ук вакыт эчендә Татарстанда 11 900гә якын өлешләп катнашу килешүе теркәлгән, тик аларның 40% ы гына - эскроу счетларын җәлеп итеп төзелгән.

"Эскроу-счетлар механизмын кулланып, өлешләп төзүдә катнашу турындагы килешүне мәҗбүри теркәү 2019 елның 1 июленнән кертелде. Бу ике ел эчендә проект финанслауга күчкән төзүчеләрнең өлеше, чагыштырганда, шактый арткан. Нәтиҗәдә, быел эскроу кулланып  өлешләп катнашу килешүләре саны 73% тәшкил итте, - дип шәрехли Татарстан Республикасы буенча Росреестр идарәсе җитәкчесе урынбасары Лилия Борһанова. - Шул ук вакытта өлешләп катнашу килешүләрен теркәүгә гаризаларның 44% ы электрон рәвештә бирелде".

ТР Төзелеш министрлыгы мәгълүматларына караганда, хәзерге вакытта Татарстанда проект финанслау кысаларында 78 төзүче эшли, 156 күпфатирлы йорт (яки 82,6%) эскроу буенча төзелә. Бу-1 млн. 385 мең квадрат метр торак күчемсез милек. Татарстанда барлыгы 88 төзүче эшчәнлек алып бара, алар 1 млн.676,2 мең кв. метр мәйданлы 188 күпфатирлы йорт төзи.

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International