Район Башлыгы Илдар Рәшит улы һәм хезмәт, халыкны эш белән тәэмин итү һәм социаль яклау министры Эльмира Зарипова беренче сыйныф укучыларын Белем көне белән котладылар

2021 елның 1 сентябре, чәршәмбе

   Бүген Балык бистәсе муниципаль районында 1-11 сыйныф укучылары өчен тантаналы линейкалар узды. Балык Бистәсе муниципаль районы Башлыгы Илдар Рәшит улы Таҗетдинов һәм хезмәт, халыкны эш белән тәэмин итү һәм социаль яклау министры Эльмира Әмир кызы Зарипова  укучыларны Белем көне белән котладылар.

   Традиция буенча, беренче сыйныф укучылары мәктәп укучысы җыелмасы һәм ТАССРның 100 еллыгына багышланган китап белән бүләкләнделәр, ә “Бердәм Россия “ партиясе укучыларга сим - карталар тапшырды.