РФ Президенты каршындагы Стратегик үсеш һәм милли проектлар буенча советның эшче төркеме утырышында вәкаләтле вәкил урынбасары Алексей Кузьмин катнашты.
2020 елның 17 декабрендә видеоконференцэлемтә режимында Стратегик үсеш һәм милли проектлар буенча Россия Федерациясе Президенты каршындагы Советның эшче төркеме утырышы узды. Чарада Россия Федерациясе Президентының Идел буе федераль округындагы Тулы вәкаләтле вәкиле урынбасары Алексей Кузьмицкий катнашты.
Утырышта катнашучылар «яшәү өчен уңайлы һәм куркынычсыз мохит» милли максатына ирешүне тәэмин итә торган «Экология» милли проектына төзәтмәләр кертү мәсьәләләре турында фикер алыштылар, шулай ук аның бурычлары һәм максатчан күрсәткечләрен карадылар: калдыклар, саф һава, су объектлары һәм табигый потенциал. Төп доклад белән Россия Федерациясе Табигый байлыклар һәм экология министры Александр Козлов чыгыш ясады.
Утырыш нәтиҗәләре буенча утырышта катнашучылар «Экология» милли проектына кертелә торган үзгәрешләрне хуплады, шулай ук аерым чараларны федераль бюджеттан финанслауның иртә срокларына күчерү мәсьәләсен өстәмә рәвештә эшләп бетерергә булды.