Балык Бистәсендә районында "Өлкән буын" проектын тормышка ашыру дәвам итә

2020 елның 16 гыйнвары, пәнҗешәмбе

   «Демография» илкүләм проекты кысаларында 65 яшьтән өлкәнрәк булган кешеләрне, расланган график нигезендә, «Доверие - Ышаныч» халыкка социаль хезмәт күрсәтү үзәге өчен бүлеп бирелгән махсус автомобильдә, Балык Бистәсе муниципаль районының медицина оешмаларына медицина тикшерүе уздыру өчен китерү дәвам итә. Агымдагы елның 9 гыйнварыннан Котлы Бөкәш табиблык амбулаториясендә 76 өлкән яшьтәге гражданга медицина тикшерүен уздырдылар. Бу илкүләм проектта катнашучы өлкән яшьтәге гражданнар үзләренә күрсәтелгән игътибардан бик канәгать һәм медицина учреждениеләренә йөртүне оештыручыларга рәхмәт сүзләрен җиткерәләр.