Юбилеегыз белән, хөрмәтле ветеран!

2019 елның 7 октябре, дүшәмбе

   5 октябрьда Казаклар авылында яшәүче Бөек Ватан сугышының тыл хезмәтчәне Гайнутдинов Нурислам Зыятдин  улын 90 яшьлек юбилее белән котладылар. Юбиляр адресына ихлас теләкләр Балык Бистәсе районы Башлыгы урынбасары Әхмәтҗәнова Фирдания Гомәр кызыннан, халыкны социаль яклау бүлеге җитәкчесе Исмәгыйлов Рафаэль Дәүләтяр улыннан,   Олы Елга авылы җирлеге Башлыгы Садриев Фәрит Әмирхан  улыннан яңгырады. Россия Президенты Владимир Владимир улы  Путиннан открытка һәм Балык Бистәсе районы Башлыгы исеменнән истәлекле бүләк тапшырылды.