Яхшылык дәресе.

2019 елның 7 сентябре, шимбә

Тяб.Чаллы мәдәният йорты. “Көзге игелек атнасы – игелекле эшләр эстафетасы” акциясе кысаларында Тәберде Чаллысы мәдәният йортында “Яхшылык җирдә ятмый” дип исемләнгән мәрхәмәтлелек дәресе узды. Дәрес башында балаларны акция белән таныштырдым, анда катнашырга, әби-бабайларга хуҗалыкта, бакча эшләрендә булышырга тәкъдим ителде. Балалар үзләренең нинди изге гамәлләр эшләгәнлекләре турында һәм якын көннәрдә кемгә ярдәм итәчәкләре турында сөйләделәр. Шулай ук балалар белән дуслык, яхшылык һәм явызлык төшенчәләрен аңларга тырыштык. Яхшылык һәм явызлык, дуслык һәм тугрылык турында мәкальләр искә төшерелде. Ахырда мин балаларга ярдәмчеллекләре, намуслылыклары һәм игелекләре өчен рәхмәт белдердем.