Татарстан Росреестры тарафыннан җир законнарын бозуның 5 меңнән артык очрагы ачыкланган

Татарстан Республикасы буенча Росреестр Идарәсе тарафыннан 2019 елның беренче яртыеллыгында җир законнары таләпләрен үтәү буенча 5,8 меңнән артык тикшерү үткәрелгән, нәтиҗәдә 5 меңнән артык хокук бозу очрагы ачыкланган. Җир законнарын бозу очраклары арасында иң киң таралган җир кишәрлекләрен үзирекле рәвештә алып бару кала.
Игътибарга
Җир кишәрлеген үз белдеге белән биләгән өчен административ штраф гражданнар өчен-5 меңнән 10 мең сумга кадәр, вазыйфаи затлар өчен-20дән 50 мең сумга кадәр, юридик затлар өчен 100 меңнән 200 мең сумга кадәр тәшкил итә. Шул ук вакытта әгәр җир кишәрлегенең кадастр бәясе билгеләнсә, штраф күләме күрсәтелгән бәядән чыгып билгеләнә.
Дәүләт җир күзәтчелеге, геодезия һәм картография бүлеге башлыгы урынбасары Илсур Кәримов аңлатканча, тикшерү нәтиҗәләре буенча җир кишәрлекләре хуҗаларына ачыкланган җитешсезлекләрне бетерү турында күрсәтмәләр бирелә. Әгәр күрсәтелгән срокка хокук бозулар бетерелмәсә, участок хуҗасы яңа штраф һәм яңа күрсәтмә алачак. Шуңа күрә татарстанлыларга җир законнары таләпләрен үтәргә һәм җир кишәрлекләренә хокукны билгеләнгән тәртиптә теркәргә, фактта кулланыла торган кишәрлекнең мәйданы хокук билгеләү документында күрсәтелгән мәйданнан артмасын, шулай ук аларның максатчан билгеләнеше буенча участоклардан файдаланырга киңәш итәбез.
Татарстан Республикасы буенча Росреестр Идарәсе тарафыннан 2019 елның 6 аенда җир законнарын бозуларны бетерү турында барлыгы 4 меңнән артык күрсәтмә бирелгән. 
Исегезгә төшерәбез, җир законнарын үтәү өлкәсендәге сораулар буенча татарстанлылар Росреестрның Татарстан Республикасы буенча Идарәсенә (Казан, Авангард ур., 74, 2нче подъезд, тел. (843) 255-25-22) мөрәҗәгать итә алалар.  Территориаль бүлекләрнең адреслары һәм телефоннары белән ведомствоның рәсми сайтында танышырга мөмкин rosreestr.tatarstan.ru «Структура» бүлегендә - «территориаль бүлекләр».