Татарстан Республикасы Балык Бистәсе муниципаль районы башлыгы Таҗетдинов И. Р. Ураза бәйрәме белән котлау

“Ураза гаете котлы булсын!”

Ураза ае тагын бер кат тормышта һәрберебезгә мәрхәмәтле һәм сабыр булырга кирәклеге турында искәртеп, әби-бабаларыбыздан килгән рухи кыйммәтләргә якынаю, Җир йөзендә игелекле эшләр генә башкару һәм әхлакый камилләшү юлында тагын бер адым алга атлау мөмкинлеге бирде.
Аллаһы Тәгалә тоткан уразаларыбызны чиксез рәхмәте белән кабул итсен, Рамазан аенда кылган игелекләр дәвамлы булсын иде. Ураза гаете мөбарәк булсын! Бәйрәм һәр гаиләгә бәрәкәт, куаныч, рухи ныклык алып килсен, барчабызга да бәхетле көннәрдә гомер итәргә язсын.

Илдар Тажетдинов,                                                   муниципаль район башлыгы