Республика турнирында призлы урын

Ноябрь башында Биектау авылында Россиянең сигез тапкыр чемпионы, Татарстан Республикасының унөч тапкыр чемпионы, атказанган спорт мастеры Данил Галиев истәлегенә 2001-2003 елгы егетләр арасында көрәш буенча IV Республика турниры узды. Әлеге ярышларда Татарстанның берничә районыннан спортчылар катнашты. Юлсубино авылыннан Нияз Гыйлемҗанов 90 килограммнан артык авырлык категориясендә өченче урынны алды (тренеры Гамиль Шәмсевалиев). Ул Мактау грамотасы белән бүләкләнде.