Балык Бистәсендә " итәк астыннан " аракы саталар

Агымдагы елның ике аенда Россия Эчке Эшләр министрлыгының Балык Бистәсе районы буенча бүлеге хезмәткәрләре  алкоголь продукциясен законсыз сатуның 4 очрагын ачыклаганнар.

Бер сәүдә ноктасында ЕГАИС та теркәлмичә генә сыра сатканнар. Корноухово картлар йорты хезмәткәре сату максатыннан әлеге йортка 2 шешә аракы алып кергән. Шиланка авылы кибете янында бер “эшмәкәр” 2 шешә спиртлы эчемлек сатарга маташканда тоткарланган.  “У Самовара” кафесында эшләүче бер кибетче тиешле документларсыз ике шешә аракы саткан.