Китапханә - кешенең үз-үзен табуы, формаль булмаган аралашу, социаль хезмәттәшлек өчен мәйданчык булып тора. Китапханә турындагы мәгълүматларны ныгытуда кызыксынулары буенча клублар һәм укучылар берләшмәләрен оештыру булыша. Нәкъ менә шушы «Китапханәдә кызыксынулар буенча оештырылган клублар - мавыгулар территориясе» темасына багышланган китапханә хезмәткәрләренең күчмә семинары Масловка авыл китапханәсе базасында узды. Семинарда китапханәләрдә әлеге эшчәнлек төренең ничек тормышка ашырылуы, киләчәктәге перспективалар нинди булуы турында сүз барды. «Пирог бәйрәме» дигән күргәзмә чарасын «Россияночка» клубы белән Масловка китапханәсе һәм авыл клубы мөдирләре әзерләде. Соңыннан Биектау, Балыклы-Чукэй, Күки, Корноухово авыл китапханәләре мөдирләре үзләренең китапханәләрендә эшләп килүче клуб, берләшмәләренең эшен тәкъдир иттеләр һәм эш тәҗрибәсе белән уртаклаштылар. Район үзәк хастаханәсе директоры Р.Г. Рәшитова семинарга йомгак ясады һәм барлык семинарда катнашучыларга рәхмәт белдерде.