ФОТОРЕПОРТАЖЛАР

13 декабрь конне район мәдәният йортында эшләп килүче автоклуб Шумково мәдәният йортына концерт белән бардылар.

2018 елның 12 декабрендә Балык-Бистәсе мәдәният йортында эшләп килүче “Өмет” халык фольклор ветераннар (пенсионерлар) ансамбле (җитәкчесе Татарстан Республикасының атказанган мәдәният хезмәткәре Фирдания Бәдретдинова) Россия Федирациясе Конституциясе көненә багышланган «Җырлыйм туган якта...” дип исемләнгән концерт программасы белән Кызыл Йолдыз урман хуҗалыгы мәдәният йортында булып кайтты.

12 нче декабрь көнне Котлы - Бөкәш урта мәктәбендә мәктәп директорларының тәрбия эшләре буенча урынбасарлары белән “ Мәктәпнең тәрбия эшендә яңача алымнар” темасына киңәшмәсе үтте. Киңәшмә кысаларында ачык сыйныф дәресләре, мастер-класс, Ф.Әхмәдиевның иҗатына багышланган “Җырлыйк әле”әдәби-музыкаль тапшыруы һәм тәрбия темасына чыгышлар тыңланды.

2018 елның 7 декабре конне район мәдәният йортында оешкан “Гашыйклар” клубы Куки авылы мәдәният йортында чираттагы “Әйдәгез, танышыйк!” дип исемләнгән чираттагы кичә уздырды. Кичәгә 5 авыл җирлегеннән 8 егет һәм кыз чакырылган иде. Очрашу җыр-биюләр, татар халык уеннары белән үрелеп алып барылды. Әлеге кичәдә танышкан парлар киләчәктә бәлки кавышыр дигән теләктә калабыз.

2018 елның 12 декабре көнне район мәдәният йортында Россия Федерациясе Конституциясенең 25 еллык бәйрәменә багышланган кичә узды. Әлеге кичәдә Балык Бистәсенең 1 номерлы гимназиясе, 2 нче мәктәп укучылары, чакырылган кунаклар катнашты.

2018 елның 11 декабрендә Балык- Бистәсе муниципаль районы мәдәният йорты үзешчәннәре Республика хәрби комиссариатында армия сафларына китүчеләр алдында чыгыш ясадылар.

11 декабрь көнне район мәктәпләрендә муниципаль контроль эшләр булып узды. Контроль эш процедураларының гаделлеген тәэмин итү максатыннан һәр мәктәптә мәгариф бүлеге хезмәткәрләре эш барышын күзәтте. 4 нче сыйныф укучылыры предметара комплекслы эш башкарса, 7 һәм 8 нче сыйныфлар рус теле һәм физика фәннәреннән контроль эш эшлэде. Эш нәтиҗәләре якын киләчәктә җитәкчеләр киңәшмәсендә анализланачак.