ФОТОРЕПОРТАЖЛАР

Балык Бистәсе районының иҗат коллективлары "Балкыш" ("Сияние") VIII Республика ветераннар фестивалендә катнаштылар. Сайлап алу туры Арча районында үтте. Быел фестиваль Бөек Ватан сугышында Җиңүнең 80 еллыгына багышлана.

"Татар кызы, татар малае 2024"

1 март-Халыкара наркомания һәм наркобизнеска каршы көрәш көне. Янчиков мәдәният йорты китапханә белән берлектә "Мин тормышны сайлыйм"дип аталган профилактик сәгать үткәрде

1 мартта Үзәк китапханәнең хезмәт күрсәтү бүлеге хезмәткәрләре 1нче гимназиянең 7 – 8нче сыйныф укучылары белән «Наркотикларга каршы Спорт» темасына әңгәмә үткәрделәр . Әлеге чараның максаты «Без сәламәт яшәү рәвеше өчен»девизы астында сәламәтлекне саклау һәм ныгыту турында белемнәрне үстерү аша сәламәт яшәү рәвешен пропагандалау иде. Укучылар алдында чакырылган кунаклар чыгыш ясады: район үзәк хастаханәсе табибы психиатр – наркологы Гайнетдинова Зөлфия Айратовна, РОВД оператив вәкаләтлесе Гимаев Булат Илгам улы һәм өлкән дознаватель Лаврова Виктория Сергеевна.

Балык Бистәсендә «Эхо веков в истории семьи – Тарихта без эзлебез»конкурсының муниципаль этабы җиңүчеләре билгеләнде.

2024 ел Россиядә игълан ителгән «Гаилә елы» кысаларында, 25 февраль көнне «Оста куллар» клубы Балык Бистәсе үзәк китапханәсендә очрашты. «Матур һәм зәвыклы Үз кулларың белән» дип аталган, элмәле чигү буенча мастер класска бәйләү буенча мастер Фәттахова Рәмзия Сәхабетдин кызы чакырылган иде . Клуб җитәкчесе Энҗе Хуҗяханова кунакларны чигүнең барлыкка килү тарихы белән таныштырды ,китап күргәзмәсенә күзәтү ясады. Кунаклар кул эшләре эшләп күңелле ял итеп таралыштылар.

Татарстан Республикасы Балык Бистәсе муниципаль районының Яңа Арыш авыл китапханәсе «23 февральгә Солдатка открытка» Бөтенроссия акциясенә кушылды. Укучыларыбыз 23 февральгә Хәрби операциядә катнашучы егетләребезгә котлау открыткалары ясадылар! 7 укучы катнашты.

Ватанны саклаучылар көне алдыннан район мәдәният йортында зур бәйрәм концерты булды.

Күгәрчен авылы китапханәчеләре мәдәният хезмәткәрләре белән берлектә 2024 ел – Россиядә Гаилә елы уңаеннан Ватан сакчылары көненә багышланган “Бәйрәм итә: әтиләрнең затлылары, егетләрнең асыллары” дип исемләнгән бәйге-кичә үткәрделәр. Бәйгедә әтиләр һәм егетләр командалары көч сынашты. Араларында әтиле-уллы катнашучылар да берничә иде. Солдат тормышын, гаилә мәшәкатьләрен тасвирлаган һәм җитезлекне, игътибарлылыкны, тәвәкәллелекне тикшерә торган конкурслар оештырылды. Һәр команда да биремнәрне тиешенчә башкарып, һәрберсенә җаваплы карап бәйгене югары дәрәҗәдә үткәрергә бик зур ярдәм иттеләр. Сайлап куелган жюри әгъзалары тарафыннан тиешенчә бәя куелды. 1 баллга гына егетләр командасы алга чыгып җиңү яуладылар. Һәрберсенә дә истәлекле бүләкләр тапшырылды. Бәйге командаларны ял иттерү максатыннан музыкаль номерлар белән үрелеп барды. Бу бәйрәмне каташучыларыбыз да, килгән авыл халкы да күтәренке кәеф белән төгәлләде.