ФОТОРЕПОРТАЖЛАР

Таулар авылы клубы. Таулар ФАПы фельдшеры Габдуллаҗанова Г. белән берлектә Тәмәке тартуның кеше организмына зыяны турында профилактик әңгәмә үткәрделәр. Чарада башлангыч мәктәп укытучылары һәм укучылары һәм клуб хезмәткәрләре катнашты.

Кече Әшнәк авыл клубы. «Кошлар безнең дусларыбыз» акциясе үткәрделәр, җимлекләр ясадылар һәм агачка элделәр, кошлар өчен азык салдылар.

Шумбут авыл мәдәният йорты. "Укучының мәдәни көндәлеге “Республика проекты кысаларында 14 яшькә кадәрге балалар катнашында» кар бөртеге, ике кар бөртеге" рәсем конкурсы”

2020 елның 24 гыйнварында район мәдәният йортында «Ел хатын-кызы.Ел ир-аты: хатын-кыз карашы»республика конкурсына йомгак ясалды. Балык Бистәсе районы хатын-кызлар советы әгъзаларыннан торган Комиссия барлык катнашырга теләүчеләргә дә үз бәясен бирде. Беренче этап нәтиҗәләре буенча зона турына 10 катнашучы тәкъдим ителде. Иң көчле, иң лаеклылар республикада районыбыз данын якларга барачак. Һәр номинантка уңышлар телибез, аларның һәрберсе җиңүгә лаек.

Корноухово мәдәният йортында Бөек Җиңүнең 75 еллыгы уңаеннан “Һич онытмый сезне исәннәр...” дип исемләнгән хәтер кичәсе үткәрелде. Әлеге чара “Ленинград блокадасы балалары” дип исемләнгән дкументаль фильм карау максаты белән оештырылды. Әлеге кичәгә авылдашлар белән беррәттән, Корноухово картлар йортында тәрбияләнүче өлкән буын да чакырулы иде. Шул чор балаларының истәлекләренә нигезләнеп төшерелгән фильм, 1941 нче елгы сугыш ачысын бар тулылыгы белән яктырта кебек. Ачлыктан, салкыннан, чарасызлыктан нишләргә белмәгән халыкны ул елларда изгелек һәм кешеләрнең бе – берләренә карата булган яхшы мөнәсәбәт, кешелеклелек сыйфатлары коткарып кала. Юкка гына “Кем ярдәмгә мохтаҗ, шуңа ярдәм ит!” дигән шигарь белән яшәмиләр инде. Ә инде үлем белән күзгә – күз очрашканнарның соңгы сулышларын алганда әйтелгән сүзләре дә бер була. “Дәвам итегез! Бирешмәгез! Ленинградны дошман кулына бирмәгез!”.

Олы Салтан мәдәният йортында Студентлар көне һәм ТАССРның 100 еллыгы уңаеннан « Студент тормышы» дип исемләнгән студентлар белән очрашу үткәрелде. Безнең авылның 6 студенты төрле уку йортларында белем ала.Алар югары белем алу кирәклеге, үзләренең булачак һөнәре турында сөйләделәр. Кичә дискотека белән тәмамланды.

Яңа сала авыл клубында «Аулак йорт " дип исемләнгән милли утырыш узды, анда төрле буын вәкилләре катнашты. Күргәзмәдә «Оста куллар»бәйләргә яратучылар клубының кул эшләре тәкъдим ителде. Катнашучылар бәйләделәр, чигтеләр, җырлар җырладылар, биеделәр, конкурсларда катнаштылар. Кичә чәй табыны артында узды. Чара Бөек Җиңүнең 75 еллыгына һәм ТАССР төзелүнең 100 еллыгына багышлана.

Ямаш авыл мәдәният йорты. Рәлиф Кинзябаевның «сәхнә утлары» үзешчән театр коллективы тарафыннан «Гөргә кере сер иде»спектакле куелды. Спектакль башланыр алдыннан тамашачылар игътибарына Татарстан АССРның 100 еллыгына багышланган видеоролик тәкъдим ителде.

2003-2006 елгы яшүсмерләр арасында Хәлилов Диләрә Хабибулла улы кубогына көрәш буенча ачык турнир