5 июнь көнне Полянка китапханә-ял итү үзәгендә Гаилә елы кысаларында Гаилә, мәхәббәт һәм тугрылык көненә багышланган «Гаилә - тормышның тылсымлы символы» исемле әдәби -музыкаль кичәсе узды. Кичәнең хөрмәтле кунаклары – Вафина Айгөл Камил кызы - Балык Бистәсе муниципаль районы башкарма комитеты җитәкчесенең социаль мәсьәләләр буенча урынбасары, Кәримуллина Лилия Венер кызы – Балык Бистәсе муниципаль районы Мәдәният һәм социаль сфера бүлеге җитәкчесе, Мәхмүтова Иделия Мәннан кызы -Балык Бистәсе районы буенча Мөслимәләр берлеге җитәкчесе, Сираев Рафил Авзал улы - Полянка авыл җирлеге башлыгы, «Полянские посиделки» клубы әгъзалары һәм ГТРК «Татарстан»нан иҗат төркеме. Чарада юбилярлар, күп балалы гаиләләр - Захаровлар, Хәсәновлар һәм Гайнетдиновлар гаиләләрен хөрмәтләделәр. Бәйрәм чарасы һәр гаилә белән танышу, гаилә тормышының җылы хатирәләре турында күңелле әңгәмә белән үрелеп барды. Чараны ГТРК «Татарстан» иҗат төркеме видеога төшереп торды.