Тяб.Чаллы авылы мәдәният йорты. "Көзге игелек атнасы – игелекле эшләр эстафетасы" акциясе кысаларында Тяб.Чаллы авылы мәдәният йорты китапханә белән берлектә "игелекле эшләр ромашкасы" әзерләде. Һәр укучы үзенә изге теләк һәм әлеге көн дәвамында нинди дә булса яхшы эш эшләргә өндәп язылган ромашка таҗы сайлап алды. Беренче укучыга әлеге таҗда якын кешесенә матур теләкләр белдерү язылган булса, икенче укучыга хуҗасыз хайваннарны ашатырга дип язылган иде. Укучыларга бу идея бик ошады һәм алар яхшы кәеф белән игелек кылырга кайтып киттеләр. Ә китапханәче, үз чиратында, әлеге акциядә генә түгел, ә һәрвакытта да игелекле булырга чакырды.