ФОТОРЕПОРТАЖЛАР

«Сәламәт булырга теләсәң!» - үзәк балалар китапханәсендә, Бөтендөнья сәламәтлек көненә багышланган чара нәкъ менә шундый исем астында узды. Конкурс программасында 1 нче гимназиянең 3 «А» сыйныф укучылары катнашты.

Санитар- экологик ике айлык кысаларында Үзәк китапханә коллективы, территорияне кардан чистартуны оештырды.

Үзәк балалар китапханәсендә һәм Балык Бистәсе районы китапханәләрендә «Балалар китабы атналыгы» Бөтенроссия акциясе узды. Әлеге акция кысаларында атна дәвамында берсеннән-берсе мавыктыргыч һәм күңелле чаралар үткәрелде.

Балык Бистәсе үзәк китапханәсендә күренекле татар язучысы һәм җәмәгать эшлеклесе, Г.Тукай исемендәге Дәүләт премиясе лауреаты, Төркиянең халыкара премиясе, "Лотос" Азия һәм Африка илләре премиясе, А.Платонов исемендәге халыкара премияләр, М.Шолохов исемендәге халыкара премияләр, Россиянең атказанган мәдәният хезмәткәре Ринат Сафи улы Мөхәммәдиев белән очрашу кичәсе булды. Кичәдә китапханәчеләр, Аксакаллар шурасы вәкилләре, китап укучылар катнашты.

Китапханәдә Россиядә Гаилә елы кысаларында "Роберт Миңнуллин әсәрләрендә гаилә образы” исемле әдәби десант уздырылды. Чарада "Роберт Миңнуллин укыйбыз" республика акциясенең муниципаль этабы җиңүчеләрен хөрмәтләделәр. Балык-Бистәсе муниципаль районының төрле авылларыннан 10 гаилә катнашты. Роберт Миңнуллин шигырьләре укылды, аның сүзләренә иҗат ителгән җырлар башкарылды. Һәр гаиләнең чыгышы видео-презентация белән бергә үрелеп барды.

22 мартта бөтен дөньяда «Бөтендөнья Су көне» билгеләп үтелә. Бу көнне Үзәк китапханәнең хезмәт күрсәтү бүлеге хезмәткәрләре, Пушкин картасы проекты кысаларында, Агротехник техникум студентлары белән «Что? Где? Когда?» танып белү уены оештырдылар һәм үткәрделәр. Бу уен су темасына багышланган иде.

Нәүрүз - 2024

Үзәк балалар китапханәсендә 1 нче гимназиянең озынайтылган көн укучылары белән бергә искиткеч бәйрәм – «Нәүрүз - бәйрәм – яз бәйрәме» узды.

Май чабу бәйрәме - 2024